પેટ્રોલ-ડીઝલની કિંમતમાં રોજ વધારો ઝીંકાતા લોકોનું બજેટ ખોરવાઇ રહ્યું છે જ્યારે ગેસ સિલિન્ડરની કિંમતમાં 10 ટકાનો વધારો કરવાની ઘોષણા કરી છે.
ગેસ સિલિન્ડર બાદ સીએનજીના ભાવમાં પણ વધારો તોળાઈ રહ્યો છે. પેટ્રોલિયમ મંત્રાલયના વિશ્લેષ્ણ સેલના જણાવ્યા પ્રમાણે પ્રાકૃતિક ગેસની કિંમતમાં વધારો થવાના કારણે ગેસ સિલિન્ડરની કિંમતમાં વધારો કરવામાં આવ્યો છે. આ ભાવ વધારો ઓક્ટોબર માસથી લાગૂ થશે.
સૂત્રોના જણાવ્યા પ્રમાણે ઘરેલુ ગેસની કિંમતમાં એક ડોલર પ્રમાણે વધારો કરવામાં આવશે તો ઓનએનજીની આવકમાં એક વર્ષમાં ચાર હજાર કરોડ રૂપિયાનો વધારો થશે. પેટ્રોલ-ડીઝલ બાદ હવે ઘરેલુ ઉપયોગમાં લેવાતા એલપીજી ગેસ સિલિન્ડરમાં પણ ભાવ વધારો ઝીંકવામાં આવ્યો છે.
જેમાં જૂનમાં જ સબસિડી વાળા ગેસ સિલિન્ડરમાં બે રૂપિયા 34 પૈસાનો ભાવ વધારો કરાયો છે. સબસિડી વગરના એલપીજી સિલિન્ડર પર 48 રૂપિયાનો ભાવ વધારો કરવામાં આવ્યો છે.
સબસિડી વગરના ઘરેલુ ગેસ સિલિન્ડર 701 રૂપિયા 50 પૈસાના સ્થાને 751 રૂપિયા 50 પૈસાના ભાવે મળવાનો શરૂ થયો હતો. વગર સબસિડીના કોમર્શિયલ ગેસ સિલિન્ડરનો ભાવમાં 79 રૂપિયાનો વધારો કરવામાં આવ્યો હતો અને આ સિલિન્ડર હવે 1338 રૂપિયામાં મળી રહ્યો છે.