ગુગલ યૂઝર માટે માઠા સમાચાર google+ બંધ કરવાની જાહેરાત 

ગુગલના ઉપભોક્તાઓ દ્વારા ઉપયોગ કરાનારા તેના સોશિયલ નેટવર્ક ગુગલ પ્લસને બંધ કરવાની જાહેરાત કરી દીધી છે. ગૂગલે જણાવ્યું કે આ સોશ્યિલ નેટવર્ક સાઇટ બંધ કરતા પહેલા તેમણે બગને દૂર કરી લીધા છે આ બગ દ્વારા જ લગભગ 5 લાખ ગ્રાહકોના પ્રાઇવેટ ડેટા હેક કરી લીક કરાયા છે. 

ઉલ્લેખનીય છે કે છેલ્લા થોડા મહિનાઓ પહેલા ફેસુબકના પાંચ કરોડ ગ્રાહકોના ડેટા લીક થઈ ગયા હોવાનું કંપનીના સ્થાપક માર્ક ઝુકરબર્ગે સ્વીકાર્યું હતું.

અમેરિકાની દિગ્ગજ ઈન્ટરનેટ કંપનીએ કહ્યું કે ઉપભોક્તાઓ માટે ગુગલ પ્લસનો અંત થઈ ગયો છે. આ સોશિયલ નેટવર્કિંગ સાઈટ ફેસબુકને પડકાર આપવામાં નિષ્ફળ રહી છે. ગુગલના પ્રવક્તાએ ગુગલ પ્લસ બંધ કરવાના મુખ્ય કારણ જણાવીને કહ્યું કે ગુગલ પ્લસને બનાવવાને લઈને પ્રબંધનમાં ઘણા પડકારો હતા. 

જે ગ્રાહકોની આશા અને તેને અનુરૂપ તૈયાર કરાયું હતું. પરંતુ તેનો ઓછો ઉપયોગ કરાતો હતો. જણાવાઈ રહ્યું છે કે આ સોફ્ટવેર ગરબડીને કારણે 2015 થી 2018 વચ્ચે બહારના ડેવલપર્સે ગુગલ પ્લસ પ્રોફાઈલના ડેટામાં ખતરો હોવાનું જણાયું હતું.

ઉલ્લેખનીય છે કે એક સોફ્ટવેરમાં ખામીને કારણે 2015થી 2018ની વચ્ચે હેકર્સે ગૂગલ પ્લસનો ડેટા હેક કરવાના પ્રયાસ કર્યા હતા. ગૂગલના રિપોર્ટ્સ પ્રમાણે લગભગ 5 લાખ યુઝર્સના ડેટા હેક કરાયા હતા. જોકે તેમણે આ ખામી અથવા બગને દૂર કરી દીધી છે.

1 ક્લિક પર જોડાવો VTV ના સોશિયલ એકાઉન્ટ્સ સાથે...