કાર ખરીદનારાઓ માટે ખરાબ સમાચારઃ મારુતિની ગાડીઓના ભાવમાં થયો આટલો વધારો

નવા વર્ષના પ્રથમ મહિનામાં જ મારુતિ સુઝુકીએ ગ્રાહકોને મોટો ઝટકો આપ્યો છે. જે લોકો મારૂતિ સુઝુકીની ગાડીઓ ખરીદવાનું પ્લાનિંગ કરી રહ્યા હતા તે જ ગાડીના ભાવમાં વધારો કરવામાં આવ્યો છે. 

તમને જણાવીએ કે દેશની સૌથી મોટી કાર બનાવતી કંપની મારુતિ સુઝુકીએ તેની કારના ભાવમાં વધારો કરવાની જાહેરાત કરી છે. જેથી મારુતિના પસંદગીના એક મોડલ 10 000 રૂપિયા સુધી મોઘાં થઇ શકે છે. જોકે આના ભાવ વધારો પણ તાત્કાલિક લાગું કરી દેવામાં આવ્યો છે. આ પહેલાં ટાટા મોટર્સે ડિસેમ્બર 2018માં તેની કિંમતોમાં વધારો કરવાની જાહેરાત કરી હતી.

શું કહ્યું કંપનીએ: 
મારુતિ સુઝુકી ઇન્ડિયા લિમિટેડે શેર બજારને જણાવ્યું છે કે તેના પસંદગીના મોડલના ભાવમાં વધારો કરવામાં આવ્યો છે. આ વધારો દિલ્હીના શોરૂમમાં 10 000 સુધી શકે છે. જે 10 જાન્યુઆરીથી એટલે કે આજથી નવી કિંમતો અમલમાં આવશે. મારુતિ સુઝુકીની એન્ટ્રી લેવલ Alto 800થી લઇ પ્રીમિયમ ક્રોસ ઓવર S-Cross સુધી વેચે છે જેની કિંમત એક્સ શોરૂમ દિલ્હીમાં રૂ. 2.53 લાખથી લઇ રૂ. 11.45 લાખ છે.

શું છે કારણ:
કંપની દ્વારા કહેવામાં આવ્યું છે કે કોમોડિટીના ભાવમાં વધારો અને વિદેશી વિનિમય દરને લીધે ભાવમાં વધારો થશે. જોકે કંપનીએ હજુ સુધી એ જાહેરાત નથી કરી કે કઇ કારની કિંમતોમાં વધારો કર્યો છે. 

તમને જણાવી દઇએ કે તાજેતરમાં મારુતિ સુઝુકીએ પોતાના કોમર્શિયલ વાહન સુપર કૈરીમાં 5 900 યુનિટ પાછા લાવવાની જાહેરાત કરી હતી. વાસ્તવમાં કંપનીને સુપર કૈરી વાહનોના ફ્યુઝ ફિલ્ટર્સમાં ખરાબીની આશંકા હતી. જેને દુર કરવા માટે કંપનીએ નિર્ણય લીધો હતો.