સર્વે / પેટાચૂંટણી પહેલાં ભાજપ માટે માઠા સમાચાર, આંતરિક સર્વેમાં 8માંથી આ 4 બેઠકો પર નુકસાન

• પેટાચૂંટણી પહેલા 8 સીટ પર ભાજપનો આંતરિક સર્વે 
• ભાજપના પોતના સર્વેમાં પણ ભાજપ પાછળ જણાઈ
• ચૂંટણી થાય તો ચાર જ સીટ પર ભાજપની હાર નક્કી: ભાજપનો સર્વે

પેટાચૂંટણી પહેલા 8 સીટ પર ભાજપે આંતરિક સર્વે કર્યો હતો. ભાજપે પ્રજામાં શું માહોલ છે તે જાણવા માટે આંતરીક સર્વે કર્યો હતો. જોકે, આ સર્વે એ જ ભાજપના મોટા નેતાઓની આંખ ઉઘાડી દીધી છે અને નીંદર ઉડાવી દીધી છે. કારણ કે, ભાજપ પોતાના આંતરિક સર્વેમાં પણ ભાજપ પાછળ જણાઈ રહ્યું છે.

સૌરાષ્ટ્રની ત્રણ અને મધ્ય ગુજરાતમાં એક પર ભાજપની હાર નક્કી

સર્વે પ્રમાણે જો ચૂંટણી થાય તો ચાર જ સીટ પર ભાજપની હાર નક્કી છે. મોરબી, કરજણ, ધારી અને લીંબડીંમાં ભાજપ માટે કપરા ચડાણ છે. સૌરાષ્ટ્રની ત્રણ અને મધ્ય ગુજરાતમાં એક પર ભાજપની હાર નક્કી માનવામાં આવે છે. તો ગઢડા, કપરાડા, ડાંગ અને અબડાસામાં ભાજપની સ્થિતિ સારી હોવાનું સર્વેમાં જણાવવામાં આવ્યું છે. 

સી. આર. પાટીલના નેતૃત્વની પરીક્ષા

આપને જણાવી દઈએ કે વિધાનસભાની આ પેટાચૂંટણી સી. આર. પાટીલના નેતૃત્વની પરીક્ષા સમાન છે ત્યારે શું તેઓ ચૂંટણી જીતવામાં સફળ રહે છે કે પછી પ્રથમગ્રાસે જ મક્ષીકા જેવી સ્થિતિ સર્જાય છે. આ સમગ્ર વાત ચૂંટણીના પરિણામ પર જ નિર્ભર છે.

ગુજરાત વિધાનસભાની પેટાચૂંટણીની તારીખ જાહેર

3 નવેમ્બરે યોજાશે 8 બેઠકોની પેટાચૂંટણી યોજાશે. 9 ઓક્ટોબરથી ઉમેદવારી માટે ફોર્મ ભરી શકાશે. 16 ઓક્ટોબર ફોર્મ ભરવાની છેલ્લી તારીખ છે. 19 ઓક્ટોબર ફોર્મ ખેચવાની છેલ્લી તારીખ છે. 3 નવેમ્બરે 8 બેઠકો માટે  મતદાન યોજાશે. 10 તારીખે જાહેર થશે 8 બેઠકોનું પરિણામ જાહેર થશે. અબડાસા, લીબડી, મોરબી, ધારી, ગઢડા, કરજણ, ડાંગ, કપરાડા બેઠક પર મતદાન યોજાશે. 

કઈ બેઠક કેમ ખાલી છે. 

કોંગ્રેસના આઠ ધારાસભ્યોએ રાજીનામું આપતા આ બેઠકો ખાલી પડી છે. 

• અબડાસાથી પ્રદ્યુમનસિંહ જાડેજાનું રાજીનામું
• મોરબીમાંથી બ્રિજેશ મેરજાનું રાજીનામું
• કપરાડામાંથી અક્ષય પટેલનું રાજીનામું 
• ગઢડામાંથી પ્રવીણ મારૂનું રાજીનામું 
• ધારીમાંથી જે.વી કાકડીયાનું રાજીનામું
• કપરાડામાંથી જિતુ ચૌધરીનું રાજીનામું
• ડાંગમાંથી મંગળ ગાવિતનું રાજીનામું
• લીંબડીમાંથી સોમા પટેલનું રાજીનામું

વિધાનસભાની સ્થિતી 
ભાજપઃ 103
કોંગ્રેસઃ 65
બીટીપીઃ 02
એનસીપીઃ 01
અપક્ષઃ 01
કુલ બેઠકોઃ 182