Meteorological department forecast: IPLની ફાઈનલ મેચ પહેલા આવ્યા માઠા સમાચાર, તોફાની પવન અને વીજળીના કડાકા ભડાકા સાથે આજે અમદાવાદમાં ખાબકી શકે છે વરસાદ.
આજે અમદાવાદમાં IPL-2023ની ફાઈનલ મેચ
ગુજરાત ટાઇટન્સ અને ચેન્નાઈ સુપર કિંગ્સ વચ્ચે રમાશે મેચ
દેશભરમાંથી ક્રિકેટ રસિકો અમદાવાદ પહોંચ્યા
આજે અમદાવાદના નરેન્દ્ર મોદી સ્ટેડિયમમાં IPL 2023ની ફાઈનલ મેચ રમાવા જઈ રહી છે. આજે ગુજરાત ટાઈટન્સ અને ચેન્નાઈ સુપર કિંગ્સ વચ્ચે જોરદાર ટક્કર જોવા મળશે. IPLની ફાઈનલ મેચને લઈ ક્રિકેટ પ્રેમીઓમાં ભારે ઉત્સાહ જોવા મળી રહ્યો છે. ફાઈનલ મેચ જોવા દેશભરમાંથી ક્રિકેટ રસિકો અમદાવાદ પહોંચ્યા છે. ચેન્નાઈ, મુંબઈથી ક્રિક્રેટરસિકો અમદાવાદ પહોચ્યા છે. IPLની ફાઈનલ મેચની શરૂઆત પહેલા ભવ્ય ક્લોઝિંગ સેરેમની યોજાશે. ક્લોઝિંગ સેરેમનીમાં કેનેડિયન સિંગર જોનિતા ગાંધી પણ પર્ફોર્મ કરશે. ક્રિકેટ જગતની હસ્તીઓ અને ICCના અધિકારીઓ, અભિનેતા સ્ટેડિયમમાં હાજર રહેશે. ફાઈનલ મેચને લઈને નરેન્દ્ર મોદી સ્ટેડિયમની આસપાસ પોલીસનો કાફલો તૈનાત કરવામાં આવ્યો છે. આ વચ્ચે ક્રિકેટ લવર્સ માટે એક ચિંતાજનક સમાચાર સામે આવ્યા છે. એવું કહેવામાં આવી રહ્યું છે કે આજની ફાઈનલ મેચને વરસાદનું વિઘ્ન નડી શકે છે. અમદાવાદ સહિત રાજ્યમાં કેટલાક જિલ્લામાં ભારે વરસાદની આગાહી કરવામાં આવી છે.
અમદાવાદમાં વીજળીના કડાકા ભડાકા સાથે વરસાદની શક્યતા
વરસાદની સંભાવના વ્યક્ત કરતા હવામાન વિભાગે જણાવ્યું છે કે, ઉત્તર પશ્ચિમ રાજસ્થાનમાં સાઈક્લોનિક સર્ક્યુલેશન સિસ્ટમ અને ઉત્તરી મધ્યપ્રદેશમાં ટ્રફ સર્જાયું છે. જ્યારે પાકિસ્તાન નજીક વેસ્ટર્ન ડિસ્ટર્બન્સ સર્જાયું છે. જેના કારણે આજે અમદાવાદ સહિત ગુજરાતના કેટલાક વિસ્તારોમાં વીજળીના કડાકા ભડાકા સાથે વરસાદ પડી શકે છે. તો આ દરમિયાન ભારે પવન પણ ફૂંકાઈ શકે છે.
આજે અને આવતીકાલે અહીં ખાબકી શકે છે વરસાદ
હવામાન વિભાગના જણાવ્યા અનુસાર, તા 28 અને 29મી મેના રોજ રાજ્યમાં ભારે પવન સાથે વરસાદ પડવાની આગાહી છે. 28મી તારીખે અમદાવાદ, સાબરકાંઠા, બનાસકાંઠા, ભાવનગર, પાટણ, મહેસાણા, ભરૂચ, આણંદ, અમરેલીમાં વરસાદ પડવાની શક્યતા છે. 30મી મેના રોજ ગુજરાતમાં ભારે પવન અને ગાજવીજ સાથે કેટલાક વિસ્તારમાં વરસાદની સંભાવના છે. જેમાં બનાસકાંઠા, અમરેલી, ભાવનગર અને કચ્છમાં વરસાદ ખાબકી શકે છે.
IPLની ફાઈનલ મેચને લઈ ક્રિકેટ રસિકોમાં ઉત્સાહ
આપને જણાવી દઈએ કે, આજે ગુજરાત-ચેન્નાઈ સુપર કિંગ્સ વચ્ચે ખિતાબી જંગ થશે. અમદાવાદમાં અત્યારથી ક્રિકેટ કાર્નિવલનો માહોલ જામ્યો છે. ક્રિકેટ રસીકોમાં મેચ જોવા ઉત્સાહનો માહોલ જોવા મળી રહ્યો છે. 3 વાગ્યે પ્રેક્ષકોને આપશે સ્ટેડિયમમાં એન્ટ્રી અપાશે. અમદાવાદની જાણીતી ક્લબોમાં મેચની લાઈવ સ્ટ્રીમિંગનું આયોજન કરવામાં આવ્યું છે.કર્ણાવતી ક્લબમાં મોટી સ્ક્રીન પર મેચનું લાઈવ સ્ટ્રીમિંગ કરાશે. કર્ણાવતી ક્લબમાં મોટી સ્ક્રીન પર મેચ લાઈવ દેખાડવામાં આવશે. DJ સાથે ક્લબમાં સ્ટેડિયમ જેવો માહોલ ઉભો કરાયો છે.