ખતરો / આ 7 કારણોથી ઝડપથી ઘટવા લાગે છે પુરૂષોના સ્પર્મ કાઉન્ટ, આટલું ધ્યાન રાખો

• ખોટી આદતોથી પુરૂષોના સ્પર્મ કાઉન્ટ ઘટે છે
• આલ્કોહોલ ઈન્ફર્ટિલિટીનું એક કારણ
• ખરાબ જીવનશૈલીની અસર ફર્ટિલિટી પર થાય છે

ટાઈટ કપડાં પહેરવા

હમેશાં ટાઈટ કપડા પહેરવાથી બચવું. જીન્સ અને અંડરવિયર વધુ ટાઈટ પહેરવા નહીં કારણ કે તેનાથી સ્પર્મ કાઉન્ટ અને ફર્ટિલિટી પર ખરાબ અસર થાય છે. ટાઈટ કપડાને કારણે બોડી હીટ બહાર નીકળતી નથી, જેના કારણે ટેક્ટિકલ્સ પર અસર થાય છે. આ સિવાય જોબ પણ એક કારણ છે. એવું કામ કરો જેમાં વધુને વધુ એક્ટિવ રહી શકો. ઘણી જોબ્સમાં રેડિએશન, ટેન્શન અને અન્ય કારણો સ્પર્મ કાઉન્ટ પર અસર કરે છે. 

બેડ પર એક્ટિવ ન રહેવું

એક હેલ્ધી સેક્સ લાઈફ હોવાથી પણ સ્પર્મ કાઉન્ટ સારાં રહે છે. તમે જેટલાં સેક્સ લાઈફમાં એક્ટિવ રહેશો સ્પર્મ એટલા જ પ્રોડ્યૂસ થશે. આ સિવાય ફિટનેસ અને લુક માટે વધુ પ્રમાણમાં સપ્લીમેન્ટ્સ લેવાથી પણ ટેસ્ટોસ્ટેરોન લેવલ ખરાબ થાય છે. જેની સીધી અસર સ્પર્મ કાઉન્ટ પર પડે છે. 

વિટામિન સીની કમી

વિટામિન સીનું સેવન કરવાથી બોડીમાં સ્પર્મ કાઉન્ટ વધે છે. આ સિવાય પોષક તત્વોથી ભરપૂર શાકભાજી અને ફળો ખાવાથી સ્પર્મ હેલ્ધી રહે છે. આ સિવાય સ્મોકિંગ કરવાથી સ્પર્મ કાઉન્ટ ઘટે છે. તેનાથી શરીરમાં કાર્બન મોનોઓક્સાઈડ વધે છે અને સ્પર્મ ડેમેજ થાય છે. 

વધુ આલ્કોહોલ લેવું

આલ્કોહોલથી બોડીમાં એવા ટોક્સિન બનવા લાગે છે જેનાથી સ્પર્મ કાઉન્ટ તો ઘટે જ છે સાથે સ્પર્મને નુકસાન પણ થાય છે. સ્પર્મ ક્વોલિટી સુધારવા માટે કેટલીક વસ્તુઓ મદદગાર સાબિત થાય છે. વૈજ્ઞાનિકોએ દાવો કર્યો છે કે ટામેટામાં રહેલાં તત્વ પુરૂષોમાં ફર્ટિલિટી સંબંધી સમસ્યાઓને દૂર કરવામાં મદદ કરે છે. પુરૂષોના એક વર્ગ પર કરાયેલી સ્ટડીમાં આ વાત સામે આવી છે. 

રિસર્ચમાં થયો ખુલાસો

રિસર્ચમાં જાણવા મળ્યું કે, લાઈકોપિનને કારણે ટામેટાનો રંગ લાલ હોય છે. તેને ખાવાથી સ્પર્મ ક્વોલિટી સુધરે છે. સંશોધકોનું કહેવું છે કે, તેમના આ રિસર્ચમાં ભવિષ્યમાં ફર્ટિલિટી ટ્રીટમેન્ટ કરાવનાર પુરૂષોને મદદ મળશે, કારણ કે ઈન્ફર્ટિલિટીના 40 ટકાથી વધુ કિસ્સા સ્પર્મ ક્વોલિટી ખરાબ થવા પાછળનું કારણ છે. 

19થી 30 વર્ષની ઉંમરના 60 લોકો પર આ રિસર્ચ કરાયું હતું

શેફીલ્ડ યૂનિવર્સિટીની ટીમે 19થી 30 વર્ષની ઉંમરના 60 લોકો પર આ રિસર્ચ કર્યું હતું. 12 સપ્તાહના રિસર્ચ દરમિયાન અડધા લોકોએ 14 એમજી લેક્ટોલાઈકોપિન લીધુ હતું. આ દવા કેમ્બ્રિજ ન્યૂટ્રાસ્યુટિકલ્સ લિમિટેડ દ્વારા બનાવવામાં આવી હતી. જેમાં ટામેટાના તત્વ હતા. જ્યારે અડધા લોકોએ પ્લેસબોસ લીધું હતું. શોધકર્તાની ટીમે આ પરીક્ષણ પહેલાં અને પછી સ્પર્મના સેમ્પલ્સ લીધા હતા. યૂરોપિયન જર્નલ ઓફ ન્યૂટ્રીશનમાં પ્રકાશિત પરિણામો મુજબ, લેક્ટોલાઈકોપિન લેનાર લોકોમાં 40 ટકાથી વધુ લોકોના સ્પર્મની ક્વોલિટી સારી હતી. શેફીલ્ડ યૂનિવર્સિટીના હેડ પ્રોફેસર અને મુખ્ય લેખક એલન પેસીએ કહ્યું, 'અમને આશા નહોતી કે રિસર્ચના અંતમાં ટેબલેટ અને પ્લેસબો લેનાર પુરૂષોની સ્પર્મ ક્વોલિટીમાં કોઈ અંતર જોવા મળશે.'

લાઈકોપિનના એન્ટીઓક્સીડેન્ટ ગુણ સ્પર્મને નુકસાન થતાં રોકે છે

એલન પેસીએ કહ્યું, 'જ્યારે અમે સ્ટડીનું રિઝલ્ટ ડેકોડ કર્યું, તો અમે ચોંકી ગયા. સ્પર્મની સાઈઝ અને ક્વોલિટીમાં અવિશ્વસનીય સુધાર જોવા મળ્યો હતો. પેસીનું માનવું છે કે લાઈકોપિનના એન્ટીઓક્સીડેન્ટ ગુણ સ્પર્મને નુકસાન થતાં રોકે છે.' રિસર્ચ કરનારી ટીમ હવે આગળની સ્ટડીમાં ઈન્ફર્ટાઈલ પુરૂષોને સામેલ કરશે અને જોશે કે આ સપ્લીમેન્ટ તેમના પર કઈ રીતે કામ કરે છે. ટીમે કહ્યું, હવે આગામી સંશોધનમાં તેઓ એ વાત પર રિસર્ચ કરશે કે શું, આ સપ્લીમેન્ટ ફર્ટિલિટી ટ્રીટમેન્ટમાં કામ આવી શકશે. જેથી એવા કપલ્સની સમસ્યા દૂર થઈ શકશે, જેઓ બાળક ઈચ્છે છે.