Coronavirus / ચીનના વુહાનથી આવ્યા સમગ્ર વિશ્વ માટે રાહતના સમાચાર, આ તારીખથી શહેર મુકાશે ખુલ્લું

ઉલ્લેખનીય છે કે ચીનનું વુહાન શહેર છે જ્યાંથી કોરોના વાયરસનું મૂળ હતું અને ત્યાંથી સમગ્ર વિશ્વના 195થી વધુ દેશોમાં આ ફેલાયો છે. આવામાં સમાચાર મળી રહ્યાં છે કે હવે વુહાનમાં આ વાયરસ કંટ્રોલમાં આવ્યો છે અને છેલ્લાં કેટલાંક દિવસોથી અહીં એક પણ નવો કેસ નોંધાયો નથી. જેના પગલે આગામી 8 એપ્રિલે વુહાનમાં પ્રતિંબધો ઉઠાવી ફરી એક વખત શહેરેને ધમધમતું કરી દેવાશે. 
 

જો કે બીજી બાજુ અન્ય શહેરોમાં હજુ સ્થિતિ લૉકડાઉનની જ રાખવામાં આવશે. કારણ કે તે પ્રાંતોમાં બહારથી આવેલા લોકોમાં કોરોનાના કેસ નોંધાયા છે. જેથી ત્યાં હાલ પૂરતા પ્રતિબંધ યથાવત્ રહેશે.

 

વુહાનમાં પાંચ દિવસમાં માત્ર એક કેસ નોંધાયો

મહત્વનું છે કે છેલ્લાં પાંચ દિવસમાં ચીનના વુહાનમાં માત્ર એક જ કેસ નોંધાયા હોવાની સરકારે પુષ્ટિ કરી છે. જેથી આશા સેવાઈ રહી છે કે આગામી સમયમાં વુહાનમાં કોરોના કન્ટ્રોલમાં આવી જશે. જો કે વિદેશથી આવેલા 39 વધારે લોકોમાં કોરોના પોઝિટિવ મળ્યો છે. ઉલ્લેખનીય છે કે વુહાન એ જ શહેર છે જ્યાં ડિસેમ્બર મહિનામાં સૌથી પહેલો કોરોના વાયરસનો દર્દી મળ્યો હતો.