કૃતિ સેનન તેના અભિનયના કારણે મોટી સેલિબ્રિટીઓમાં સામેલ થઇ ગઇ છે. તે છેલ્લાં ઘણા સમયથી મોટા-મોટા સ્ટાર્સની સાથે કામ કરી રહી છે. સોશિયલ મીડિયામાં કૃતિની તગડી ફેન ફોલોઈંગ છે, જે તેની તસ્વીરો અને વીડિયોને ખૂબ પસંદ કરે છે. હવે તેમણે લેટેસ્ટ ફોટોશૂટ કરાવ્યું છે, જેની તસ્વીરો ઈન્ટરનેટ પર છવાઇ ગઇ છે.
તસ્વીરોમાં જોઇ શકાય છે કે કૃતિ સેનન બ્લેક કલરના લેધર ઑફ શોલ્ડર ટૉપમાં જોવા મળી રહી છે. આ સાથે તેણે મેચિંગ કલરનુ પેન્ટ પહેર્યુ છે. આ ડ્રેસમાં તે ખૂબ ગ્લેમરસ અને હૉટ લાગી રહી છે. તેણે કેમેરાની સામે એવા પોઝ આપ્યાં છે, જેને જોઇને તેના ચાહકોના હૃદયના ધબકારા વધી ગયા છે. આ તસ્વીરોને ખૂબ પસંદ કરવામાં આવી છે.
કૃતિ સેનને તેની આ તસ્વીરોને શેર કરી કેપ્શનમાં લખ્યું, હું આ ડ્રેસમાં વધુ કૂલ ફીલ કરી રહી હતી. જ્યાં સુધી અક્ષય કુમારે મને હન્ટરવાળી ના કહ્યું. કૃતિના આ લુકને ખૂબ પસંદ કરાઈ રહ્યું છે. સેલિબ્રિટીથી લઇને પ્રશંસકોએ કોમેન્ટ સેક્શનમાં કૃતિના ભરપૂર વખાણ કર્યા છે.
મહત્વનું છે કે, કૃતિ સેનન અત્યારે તેની નવી ફિલ્મ બચ્ચન પાંડેને લઇને ચર્ચામાં છે. આ ફિલ્મમાં તે અક્ષય કુમાર સાથે દેખાશે. ફિલ્મમાં કૃતિએ પત્રકારની ભૂમિકા નિભાવી છે. જ્યારે અક્ષય કુમાર ગેંગસ્ટરના રોલમાં જોવા મળશે.