બોલિવૂડની પ્રખ્યાત પ્લેબેક સિંગર કનિકા કપૂર કોરોનાગ્રસ્ત હોવાના સમાચાર આવી રહ્યાં છે. તે 15 માર્ચે લંડનથી લખનઉ આવી હતી. હાલમાં મળેલી માહિતી પ્રમાણે એરપોર્ટ પર તે ગ્રાઉન્ડ સ્ટાફની સાથે મળીને વોશરૂમમાં છુપાઈને તપાસ કરાવ્યા વિના ભાગી ગઈ હતી. કનિકાએ રવિવારે લખનઉના ગેલેન્ટ એપાર્ટમેન્ટમાં એક પાર્ટી ઓર્ગેનાઈઝ કરી હતી, જેમાં લખનઉના તમામ મોટાં ઓફિસરો અને નેતા સહિત 100થી વધુ લોકો સામેલ થયા હતા. હવે કનિકા કોરોનાગ્રસ્ત હોવાના સમાચાર સામે આવ્યા પછી આખા એપાર્ટમેન્ટમાં હડકંપ મચ્યો છે.
ભારતમાં કનિકા કપૂર પહેલી સેલિબ્રિટી છે, જેને કોરોનાવાઈરસનો ચેપ લાગ્યો છે. કનિકાની પાર્ટીમાં આવેલાં દરેક લોકો ડરી ગયા છે. એવા પણ સમાચાર છે કે, લખનઉની તાજ હોટેલમાં પણ રોકાઈ હતી. જ્યારે શાલિમાર ગેલેન્ટના રહેવાસીઓ એપાર્ટમેન્ટ છોડીને બીજી જગ્યાએ જઈ રહ્યાં છે. કનિકાનો આખો પરિવાર આ બિલ્ડિંગમાં રહે છે અને હવે તેના આખા પરિવારને ક્વોરંટાઈનમાં રાખવામાં આવી રહ્યાં છે.
A prominent Bollywood singer is among the four people who have been tested positive for #Coronavirus in Uttar Pradesh today. https://t.co/LBvHWkTXnS
મળતી માહિતી પ્રમાણે હેલ્થ ડિપાર્ટમેન્ટે કનિકાના સંપર્કમાં આવેલાં તમામ લોકોને કોલ કર્યો છે અને તેમને સેલ્ફ આઈસોલેટ કરવા કહ્યું છે. અત્યારે બીજા કોઈમાં કોઈ લક્ષણ જોવા મળ્યાં નથી. માત્ર સિંગરને પોઝિટિવ આવ્યું છે. તમને જણાવી દઈએ કે, કનિકાએ બેબી ડોલ, ચિટ્ટિયાં કલાઈયાં અને દેશી લુક જેવા સુપરહિટ ગીતો ગાયા છે.