ચમત્કાર / OMG! ડૉક્ટરોએ કહ્યું બાળકીનો ચહેરો જ નથી, કલાકોમાં મરી જશે, પણ પછી થયો ચમત્કાર

• ચહેરા વગરની બાળકીનો જન્મ થતાં તબીબો અચંબિત થયા
• તબીબોએ કહ્યું, બાળકી થોડા કલાકો જીવશે
• અને પછી થયો ચમત્કાર, આજે બાળકી નવ વર્ષે જીવે છે

ચમત્કાર એવો થયો, જેની કોઈએ કલ્પના પણ કરી નહોતી

દક્ષિણ અમેરિકાના બ્રાઝીલમાં એક ઘટના સામે આવી છે. જ્યાં એક બાળકનો જન્મ એવી હાલતમાં થયો જેને જોઇને તબીબો પણ અચંબિત થઇ ગયા. આ બાળકી ચહેરા વિના જન્મી હતી. તબીબોએ બાળકીની બચવાની શક્યતાને નકારી દીધી હતી અને પછી એવો ચમત્કાર થયો જેને જાણીને તમે હેરાન થઇ જશો. આ બાળકીએ મેડિકલ સાયન્સની ભવિષ્યવાણીને ખોટી સાબિત કરી દીધી છે અને જીવી રહી છે. મીડિયા રિપોર્ટ મુજબ, બાળકીના જન્મ બાદ ડૉકટરોએ કહ્યું કે બાળકી થોડા કલાકો જીવતી રહેશે. તબીબોની વાત સાંભળીને બાળકીના માતા-પિતાના ભાન ભૂલી ગયા. માતા-પિતાએ વિચાર્યુ કે, જો તબીબોએ કહ્યું કે બાળકી જીવતી નહીં બચે તો તેના અંતિમ સંસ્કાર કરવાની વ્યવસ્થા ગોઠવવામાં આવે. અંતિમ સંસ્કાર કરવાની વ્યવસ્થા શરૂ કરાઈ ત્યારે ચમત્કાર થયો કે જેની કોઈએ કલ્પના પણ કરી નથી. ચહેરા વગરની બાળકી બચી ગઇ અને હવે તે નવ વર્ષની થઇ ગઇ.

બિમારીના કારણે બાળકીના ચહેરાનો વિકાસ નહોતો થયો

ઉલ્લેખનીય છે કે, બ્રાઝીલના બારા ડી સાઓ ફ્રાન્સિસ્કોની વિટોરીયા માર્ચિયોલીનો જન્મ નવ વર્ષ પહેલાં ખૂબ જ દુર્લભ સ્થિતિમાં થયો હતો. વિટોરીયા માર્ચિયોલીને ટ્રેચર કોલિન્સ સિન્ડ્રોમ નામની બિમારી હતી. આ બિમારીના કારણે તેમના ચહેરા પરની 40 હડ્ડીઓ વિકસિત થઇ શકી નહોતી. બિમારીના કારણે બાળકીની આંખ, મોં અને નાક વિકસિત થઇ શક્યા નહોતા. જેને જોઈને લાગતુ હતુ કે બાળકી થોડા કલાકોમાં મરી જશે. તબીબોએ કહ્યું હતુ કે બાળકી થોડા કલાક જીવતી રહેશે. જેના કારણે પરિવારજનોને આઘાત લાગ્યો હતો.

બાળકીની આઠ સર્જરી કરવામાં આવી

બે દિવસ બાદ બાળકીને જ્યારે એક નિષ્ણાંતની દેખરેખમાં બીજી હોસ્પિટલમાં દાખલ કરવામાં આવી. હોસ્પિટલમાં એક અઠવાડિયા સુધી દેખરેખ રાખ્યા બાદ બાળકીને પરિવારની દેખરેખ હેઠળ છોડી દેવામાં આવી. બાળકી ધીરે-ધીરે મોટી થઇ અને તેની આંખ, નાક અને મોંઢાની આઠ સર્જરી કરવામાં આવી. હાલમાં અમેરિકાના ટેક્સાસની એક હોસ્પિટલમાં બાળકીની બીજી એક સર્જરી કરવામાં આવી. બાળકીના માતા-પિતા રોનાલ્ડો અને જોસિલીન લોકોની મદદ દ્વારા તેને નવુ જીવતદાન આપવામાં લાગ્યા છે. વિટોરીયા માર્ચિયોલી નામની આ બાળકીએ આ મહિને પોતાનો નવમો જન્મદિવસ પણ હોસ્પિટલમાં મનાવ્યો.