અમરેલી બાબરા નગરપાલિકાનું વીજ કનેક્શન કાપવામાં આવ્યું હોવાની ઘટના સામે આવી છે. જેમાં નોટિસ પાઠવવા છતા બીલનું ચૂકવણું કરવામાં ન આવતા PGVCLએ કાર્યવાહી આકરી કાર્યવાહી કરી હતી.
બાબરા નગરપાલિકા માટે શરમજનક ઘટના
નગરપાલિકાના વોટર વર્ક્સનું વીજ કનેક્શન કપાયુ
વીજ બિલ ન ચૂકવતા વીજ કનેક્શન કપાયું
અમરેલી જિલ્લાની બાબરા નગરપાલિકાનું વોટર વર્કસનું વીજ બીલ બાકી હોવાનું સામે આવ્યું છે. નગરપાલિકાએ બિલ ન ભરતા વીજ કંપનીએ નગરપાલિકાને નોટિસ ફટકારી હતી. આ નોટીસને પણ ઘોળીને પી જતાં પીજીવીસીએલ દ્વારા કાર્યવાહી હાથ ધરવામાં આવી હતી અને બાબરા નગરપાલિકાનું વીજ જોડાણ કાપી નાખવામાં આવ્યું છે. મહત્વનું છે કે બાબરા નગરપાલિકાના વોટર વર્ક્સનું વીજ બીલ ૪.૩૬ કરોડનું બાકી હતું. મહત્વનું છે કે આ વીજ કનેક્શન કપાતા હવે પાણી પુરવઠો ખોરંભે ચઢે તેવી સ્થિતિ આવવાની શક્યતા હાલ તો દેખાઈ રહી છે.
બાબરા નગરપાલિકા માટે શરમજનક ઘટના
અમરેલીની બાબરા નગરપાલિકા માટે શરમજનક કહેવાઈ તેવી વાત સામે આવી છે. બાબરા નગરપાલિકાના વોટર વર્કસનું રૂપિયા ૪.૩૬ કરોડનું વીજ બીલ છેલ્લા કેટલાય સમયથી બાકી છે.
બાબરા નગરપાલિકાના વોટર વર્ક્સનું વીજ બીલ ૪.૩૬ કરોડનું બાકી હતું.
બે દિવસ અગાઉ દ્વારકાના સલાયાનું કનેકશન પણ કપાયું હતું
ઉલ્લેખનીય છે કે, બે દિવસ પહેલા દ્વારકાના સલાયા નગરપાલિકાનું કનેક્શન કાપવામાં આવ્યું હતુ. સલાયા નગરપાલિકાનું રૂપિયા ૪૫ લાખનું બીલ બાકી હતુ. જે બીલ પાલિકા દ્વારા ભરવામાં ન આવતા પીજીવીસીએલ દ્વારા કાર્યવાહી કરી કનેકશન કાપી નાખવામાં આવ્યું હતુ.