9 સપ્ટેમ્બરની શ્રીલંકા અને પાકિસ્તાનની મેચમાં મોહમ્મદ રીઝવાનનાં કહેવા પર અમ્પાયરે DRS આપી દીધો પછી બાબરે કહ્યું કે કેપ્ટન હું છું.
9 સપ્ટેમ્બરના રોજ હતી પાકિસ્તાન અને શ્રીલંકા વચ્ચે મેચ
રિઝવાનના કહેવા પર અમ્પાયરે આપી દીધો DRS
બાબરે કહ્યું કેપ્ટન હું છું
9 સપ્ટેમ્બરના રોજ હતી પાકિસ્તાન અને શ્રીલંકા વચ્ચે મેચ
પાકિસ્તાન ક્રિકેટ ટીમ એશિયા કપ 2022ના ફાઇનલમાં પોતાનું સ્થાન બનાવી ચૂકી છે. પરંતુ સુપર 4નાં છેલ્લા મુકાબલામાં પાકિસ્તાને શ્રીલંકા સામે હારનો સામનો કરવો પડ્યો હતો. આ મેચમાં શ્રીલંકાએ બાજી મારી છે. 9 સપ્ટેમ્બરનાં રોજ મેચમાં એક અજીબ ઘટના પણ જોવા મળી હતી.
શ્રીલંકાનાં દાવ દરમિયાન પાકિસ્તાની વિકેટકીપર મોહમ્મદ રીઝવાન અને ફિલ્ડ અમ્પાયરે એક એવું કામ કર્યું, જ્યાર બાદ બાબર આઝમે તેમને કહેવું પડ્યું કે ટીમનો કેપ્ટન હું છું. આ આખી ઘટના કેમેરામાં કેદ થઇ ગઈ અને આ વિડીયો ઘણો વાયરલ થઈ રહ્યો છે.
Babar Azam was Saying " Main Captain Hon " 🥺😭♥️♥️♥️♥️
રિઝવાનના કહેવા પર અમ્પાયરે આપ્યો DRS
શ્રીલંકાના દાવ દરમિયાન 16મી ઓવરમાં આ ઘટના બની હતી. ફાસ્ટ બોલર હસન અલીની ઓવરના બીજા બોલ પર દાસુન સનાકાએ સ્કૂપ શોટ મારવાની કોશિશ કરી હતી, પણ બોલ વિકેટકીપર રિઝવાનના હાથોમાં ગયો, જ્યાં રીઝવાનને લાગ્યું કે બેટનો કિનારો બોલને અડ્યો હતો અને એટલા માટે સનાકા કેચ આઉટ છે. રીઝવાને અપીલ કરી, પણ ફિલ્ડ અમ્પાયર અનીલ ચૌધરીએ not આઉટ કરાર આપ્યો.
અમ્પાયરથી નારાજ કેપ્ટન બાબર આઝમ
અહીં રીઝવાને DRS લેવાનો ઈશારો કર્યો. આ પર અમ્પાયરે પણ માની લીધું અને DRS આપી દીધો. આ દરમિયાન કેપ્ટન બાબર ગુસ્સે થઇ ગયો, કેમકે અમ્પાયરે તેમને તો પૂછ્યું જ નહીં. જણાવી દઈએ કે નિયમો અનુસાર, કેપ્ટનના ગ્રીન સિગ્નલ મળ્યા બાદ જ અમ્પાયર DRS મંજૂર કરેછે. પણ રીઝવાનનાં કહેવા પર અમ્પાયરે સીધો નિર્ણય કરી લીધો.
આવામાં બાબરે કહ્યું કે કેપ્ટન હું છું. બાબરનું આ રીએક્શન પણ વિડીયોમાં કેદ થઇ ગયું અને આ વિડીયો ખૂબ જ વાયરલ થઇ રહ્યો છે. જોકે, DRS લેવામાં આવ્યો અને બેટ્સમેનને નોટ આઉટ જાહેર કરવામાં આવ્યો.