વેસ્ટ ઈન્ડીઝ સામેની સીરીઝમાં પાકિસ્તાનનો જલવો જોવા મળી રહ્યો છે. કેપ્ટન બાબર આજમના આક્રમક ફોર્મના કારણે યજમાન ટીમ શ્રેણીમાં દબદબો બનાવ્યો છે. પરંતુ બીજી વન-ડે મેચમાં પાકિસ્તાની કેપ્ટન બાબર આજમે એક મોટી ભૂલ કરી દીધી. જેનુ પરિણામ ટીમે ભોગવવુ પડ્યુ.
ફીલ્ડિંગ વખતે બાબર આજમે વિકેટકીપર મોહમ્મદ રિઝવાનના મોજા લીધા
બાબર આજમની આ હરકતના કારણે એમ્પાયર્સે ટીમ પર લીધા પગલા
દંડ તરીકે પાકિસ્તાની ટીમે પાંચ રન ગુમાવવા પડ્યા
બાબર આજમની એક ભૂલ પાકિસ્તાની ટીમને ભારે પડી
પાકિસ્તાનની ટીમ જ્યારે ફીલ્ડિંગ ભરી રહી હતી ત્યારે બાબર આજમે વિકેટકીપર મોહમ્મદ રિઝવાનના મોજા લીધા અને બોલને લઇ લીધો. આ પાકિસ્તાની ટીમ માટે ભારે પડ્યુ અને દંડ તરીકે ટીમે પાંચ રન ગુમાવવા પડ્યા. મુલ્તાન ક્રિકેટ સ્ટેડિયમમાં થયેલી આ મેચમાં જ્યારે બાબર આજમે આ હરકત કરી ત્યારે એમ્પાયર્સે તેમની ટીમ પર તાત્કાલિક એક્શન લીધી. આ આખી ઘટના વેસ્ટ ઈન્ડીઝની ઈનિંગની 29મી ઓવરમાં થયુ જ્યારે બાબર આજમ મોજા પહેરીને બોલ કલેક્ટ કરી રહ્યાં હતા.
શું છે નિયમ?
ક્રિકેટના નિયમો મુજબ, વિકેટકીપર સિવાય કોઈ પણ ફીલ્ડર મોજા પહેરીને બોલને કલેક્ટ અથવા કેચ કરી શકતો નથી. આ નિયમોનું ઉલ્લંઘન છે. ત્યાં સુધી કે તે ફીલ્ડરને વિકેટકીપરની જગ્યાએ રિપ્લેસ ના કરવામાં આવે. જો કે, બાબર આઝમની આ ભૂલથી પાકિસ્તાની ટીમને વધુ ફરક ના પડ્યો. કારણકે પાકિસ્તાને આ મેચને સરળતાપૂર્વક જીતી લીધી. પાકિસ્તાને આ મેચમાં પહેલા બેટીંગ કરીને 275 રનનો સ્કોર બનાવ્યો. જવાબમાં વેસ્ટ ઈન્ડીઝની ટીમ 155 રન પર ઓલઆઉટ થઇ ગઇ.
કેપ્ટન બાબર આજમ જ ટીમના સૌથી મોટા હીરો
ત્રણ વન-ડે મેચની શ્રેણીમાં પાકિસ્તા અત્યાર સુધી 2-0થી આગળ છે. બંને મેચમાં કેપ્ટન બાબર આજમ જ ટીમના સૌથી મોટા હીરો સાબિત થયા. બાબર આજમે 2 મેચમાં 180 રન બનાવ્યાં છે. જેમાં એક સદી અને એક અર્ધસદી સામેલ છે.