ટીખળ / અમે બાળકોને હાલરડા નથી સંભળાવતા...ભારત સામેની મેચ પહેલા બાબરનું નિવેદન, VIDEO થયો વાયરલ

• ભારત સામે મેચ પહેલા બાબર આઝમનો વીડિયો વાયરલ
• પત્રકારે પૂછ્યુ, બાબર, મેચમાં વરસાદનુ જોખમ છે?
• બાબરે કહ્યું, ‘અમે બાળકોને લોરી સંભળાવી રહ્યાં નથી’

ભારત-પાકિસ્તાન આજે એકબીજા સામે ટકરાશે 

ટી-20 વર્લ્ડ કપના સુપર 12માં ભારત અને પાકિસ્તાનની ટીમો રવિવારે એટલેકે આજે ટકરાશે. આ મહામુકાબલાના બંને દેશના ક્રિકેટ પ્રેમીઓ આતુરતાપૂર્વક રાહ જોઇ રહ્યાં છે. બંને ટીમો ત્રણ દિવસ પહેલા જ મેલબર્ન પહોંચી છે, જ્યાં બંનેનો આમનો સામનો થવાનો છે. મેચના એક દિવસ પહેલા એટલેકે શનિવારે ભારત અને પાકિસ્તાનના કેપ્ટનોએ પત્રકાર પરિષદ કરી. આ દરમ્યાન પાકિસ્તાનના કેપ્ટન બાબર આજમને એક એવો સવાલ પૂછવામાં આવ્યો. જેનો તેમણે ખૂબ સારો જવાબ આપ્યો. 

બાબરે કહ્યું, ‘ના સર, અમે બાળકોને લોરી સંભળાવી રહ્યાં નથી’

ભારત અને પાકિસ્તાનની વચ્ચે રમાનારી મેચ પર વરસાદનુ સંકટ તોળાઈ રહ્યું છે. મેલબર્નના હવામાન વિભાગ મુજબ ભારત અને પાકિસ્તાનની મેચના દિવસે 60 ટકા વરસાદનુ પૂર્વાનુમાન છે. એવામાં પત્રકાર પરિષદ દરમ્યાન પત્રકારે કહ્યું, બાબર, મેચમાં વરસાદનુ જોખમ છે. શું પાકિસ્તાનના બધા ખેલાડી અત્યારે ડ્રેસિંગ રૂમમાં Rain, Rain Go Away ગાઈ રહ્યાં છે? જવાબમાં બાબરે કહ્યું, ના સર, અમે બાળકોને લોરી સંભળાવી રહ્યાં નથી. બાબરના આ સેન્સ ઑફ હ્યુમરની સોશિયલ મીડિયામાં ખૂબ વખાણ થઇ રહ્યાં છે.

Just Babar Azam being savage! 😅#T20WorldCup | #Pakistan | #PAKvIND pic.twitter.com/zirPlPvIzM

— Grassroots Cricket (@grassrootscric) October 22, 2022

અમે દરેક પરિસ્થિતિનો પરિપક્વતાથી સામનો કરીશ

આની પહેલા ભારતીય ટીમના કેપ્ટન રોહિત શર્માને પણ જ્યારે પત્રકાર પરિષદમાં વરસાદ અંગે પૂછવામાં આવ્યું તો તેમણે કહ્યું કે ભારતીય ટીમ દરેક પરિસ્થિતિનો સામનો કરવા તૈયાર છે. રોહિતે કહ્યું કે પછી તે 20 ઓવરની મેચ હોય કે પછી પાંચ ઓવરની. અમે બંને માટે તૈયાર છીએ. બાબરે કહ્યું કે જુઓ હવામાન અમારા હાથમાં નથી. પરંતુ એક ખેલાડી અને કેપ્ટન તરીકે હું ઈચ્છીશ કે મેચ થાય.