જીત બાદ બાબર આઝમે પાકિસ્તાની ક્રિકેટ્સને જુઓ શું કહ્યું
T20 વર્લ્ડ કપ: બાબર આઝમની કેપ્ટનશીપમાં પહેલી વખત જીત્યું પાકિસ્તાન
આ પહેલા વર્લ્ડ કપમાં પાકિસ્તાન સામે એકપણ વખત ન હતુ હાર્યુ ભારત
જીત બાદ બાબર આઝમે પાકિસ્તાની ટીમ માટે ડ્રેસિંગ રૂમમાં આપી સ્પીચ
ભારત સામે ઔતિહાસિક જીત મેળવ્યા બાદ પણ પાકિસ્તાની કેપ્ટન બાબર આઝમ ટીમને સાવધાન રહીને રમવા માટે કહી રહ્યા છે. તેને એવી ચિંતા છે કે ટીમ સેલિબ્રેશનના ચક્કરમાં વર્લ્ડ કપ જીવાનું પોતાનું મિશન ચુકી ન જાય. બાબર આઝમે જીત બાદ ડ્રેસિંગ રૂમમાં ખેલાડીઓને 'જ્ઞાન' આપ્યું હતું.
PCBએ વીડિયો શેર કર્યો
પાકિસ્તાની ક્રિકેટ બોર્ડ (PCB)એ યુટ્યુબ પર આઝમની એ સ્પીચનો વીડિયો શેર કર્યો છે. પોણા ત્રણ મિનિટના આ વીડિયોમાં બાબર પોતાની ટીમને કહી રહ્યા છે કે તે જીતના સેલિબ્રેશનના ચક્કરમાં વર્લ્ડ કપ જીતવાના લક્ષ્યને ભુલી ન જાય.
શું કહ્યું બાબરે?
બાબરે પોતાની સ્પિચમાં કહ્યું કે, "હું ઈચ્છુ છું કે આજે રાત દરેક ખેલાડી આ ક્ષણનો આનંદ લે પરંતુ ટીમમાં પોતાની ભૂમિકા અને બાકી મેચની અપેક્ષાઓને યાદ રાખે. આપણે અહીં ફક્ત ભારતને હરાવવા નથી આવ્યા પરંતુ વિશ્વ કપ જીતવા માટે આવ્યા છીએ. આ વાત ન ભૂલવી જોઈએ."
ટીમ પાસેથી એક્સપેક્ટેશન્સ વધી ગઈ છે
બાબરે પાકિસ્તાની ટીમને કહ્યું, "સેલિબ્રેટ કરો, હોટલ જઈને પોતાના પરિવારની સાથે આ ક્ષણોને માણો પરંતુ એ વાત ન ભૂલો કે આ મેચ પૂર્ણ થઈ ગઈ છે અને હવે બાકીની મેચોની તૈયારી કરવાની છે." તેમણે કહ્યું કે "ભારતના હાર્યા બાદ ટીમ પાસેથી અપેક્ષાઓ વધી ગઈ છે. અને હવે વધુ મેહનત કરવાની રહેશે."
પાકિસ્તાનના કોચે શું કહ્યું?
પાકિસ્તાનના મુખ્ય કોચ સકલેન મુશ્તારે જણાવ્યું કે, "આપણે આત્મમંથન કરવાનું છે કે આજે આ અંદાજમાં મેચ જીતવા માટે આપણે શું શું કર્યું હતું. પોતાની નબળાઈઓને દૂર કરવાની રહેશે. જીતના સેલિબ્રેશનમાં ઈમોશન પર કાબૂ રાખવાના રહેશે."