બાબા રામદેવનું પેપર લીક થવા મામલે નિવેદન કહ્યું- સત્તામાં બેઠેલી સરકાર...

વડોદરાઃ લોક રક્ષકદળની પરીક્ષાનું પેપર લીક થવા મામલે બાબા રામદેવે પણ પ્રતિક્રિયા આપી હતી. બાબા રામદેવા આ માટે સરકારને જવાબદાર ગણાવી હતી. બાબાએ જણાવ્યું હતું કે આ સત્તામાં બેઠેલી સરકારની ચૂક છે. પેપર લીક મામલે સરકારની જવાબદારી છે. પેપર લીક કરનાર દોષિતોને તાત્કાલિક સજા થવી જોઈએ.

ઉલ્લેખનીય છે કે આજ રોજ લેવાનારી લોક રક્ષક દળની પરીક્ષાનું પેપર લીક થયું છે. જેને લઇને પરીક્ષા મોકૂફ રાખવામાં આવી છે. આ મામલે પોલીસ દ્વારા તપાસ હાથ ધરવામાં આવી છે.

મહત્વનું છે કે લોકરક્ષક દળનું પ્રશ્ન પેપર લીક થવાના મામલે પોલીસ તપાસનો ધમધમાટ શરૂ થયો છે. અત્યાર સુધી 5 જેટલા શખ્સોની પુછપરછ કરવામાં આવી છે. સમગ્ર મામલે સરકારી અધિકારીઓની સંડોવણી હોવાની આશંકા સેવાઈ રહી છે ત્યારે ATS અને ક્રાઈમબ્રાંચ પણ તપાસ કામગીરીમાં જોડાઈ છે.