નિવેદન / મદરેસાઓ પર બાબા રામદેવનું મોટું નિવેદન, બોલ્યા- ઉત્તરાખંડમાં ફેલાઈ રહ્યો છે ઇસ્લામિક ઉન્માદ

• ઉત્તરાખંડમાં સરકારના મદરેસાઓમાં સર્વેના આદેશ
• યોગગુરુ રામદેવનું મદરેસાઓમાં સર્વે પર નિવેદન
• કેટલાક લોકો ઇસ્લામિક ઉન્માદની યોજના બનાવી રહ્યા છે

ઉત્તરાખંડ સરકારના મદરેસાઓમાં સર્વેના આદેશ પર યોગગુરુ રામદેવે કહ્યું કે, દેવભૂમિ ઉત્તરાખંડમાં કેટલાક લોકો ઇસ્લામિક ઉન્માદ અને ખોટી ગતિવિધિઓની યોજના બનાવી રહ્યા છે. સીએમ પુષ્કર સિંહ ધામીએ આની નોંધ લઈને મદરેસાઓની તપાસના આદેશ આપ્યા છે. મુખ્યમંત્રીનો આ યોગ્ય નિર્ણય છે.

જેઓ સાચા છે તેને ડરવાની જરૂર નથી
"જે મદરેસાઓ સાચા છે તેમણે ડરવું ન જોઈએ અને જેઓ ખોટા છે તેમણે ડરવાની જરૂર છે. ભૂપતવાલામાં ભાગવત કથા દરમિયાન મીડિયા સાથે વાતચીત દરમિયાન તેમણે આ વાત કહી હતી. સોમવારે આનંદ પીઠાધિશ્વર બાલકાનંદ ગિરીએ ભૂપતવાલામાં ભાગવત કથાનું આયોજન કર્યું હતું.

લંપી વાયરસને લઈને શંકા વ્યક્ત કરી
આ પ્રસંગે મીડિયા સાથે વાત કરતા યોગગુરુ રામદેવે શંકા વ્યક્ત કરી હતી કે લંપી રોગનો વાયરસ પાકિસ્તાનથી ભારતના સરહદી વિસ્તારોમાં ફેલાયો છે. બાબા રામદેવે કહ્યું કે આ વાયરસ માનવસર્જિત છે કે નહીં તેની તપાસ થવી જોઈએ.