IPLIN
 
  • Home
  • India
  • Baba ka Dhaba receives fame as crowd pours in after a viral social media post

દિલ્હી / વાયરલ થયા બાદ 'બાબાના ઢાબા' પર એટલા લોકો આવવા લાગ્યા કે સંભાળવા થયા મુશ્કેલ

Team VTV 04:17 PM, 08 Oct 20
Follow us
Baba ka Dhaba receives fame as crowd pours in after a viral social media post

સોશ્યલ મીડિયાએ ઘણા લોકોનું જીવન બનાવ્યું છે અને ઘણા લોકોને રાતોરાત સ્ટાર બનાવ્યા છે. ફરી એક વખત સોશ્યલ મીડિયાની તાકાત સામે આવી છે. 

દિલ્હીના માલવિયા નગરમાં ઢાબા ચલાવી રહેલા 80 વર્ષના એક ગરીબ વૃદ્ધ કાંતા પ્રસાદનો એક વીડિયો વાયરલ થયો હતો. આ વીડિયોમાં તેઓ તેમનું ખાવાનું ન વેચાતું હોવાથી રડી રહ્યા હતા. તેમના ઢાબાનું નામ બાબા કા ઢાબા છે. આ ઢાબાને તેઓ પોતાની પત્નીની સાથે મળીને ચલાવે છે. આ દંપત્તિ ગરીબીનો માર ખાઈ રહ્યા છે.  

બાબા કા ઢાબાને મળ્યો સેલેબ્સનો સપોર્ટ 

આ વીડિયો વાયરલ થયા બાદ બાબા કા ઢાબાની બહાર લોકોની લાઈનો લાગી રહી છે. સેલેબ્સ પણ બાબા કા ઢાબાના સપોર્ટમાં આવ્યા છે. તેઓ આ વૃદ્ધ કાંતા પ્રસાદની મદદ કરવા આગળ આવ્યા છે. રવીનાએ ટ્વીટ કરીને લખ્યું કે જે પણ અહીંયા ખાવા જાય મને તસ્વીર મોકલે. હું તમારી તસવીરોની સાથે એક સ્વીટ મેસેજ લખીશ. રણદીપ હુડ્ડાએ કહ્યું કે જો તમે દિલ્હીમાં છો તો અહીં જરૂર ખાવા માટે આવો. બાબા કા ઢાબા। સોનમ કપૂરે કાંતા પ્રસાદનો વીડિયો શેર કરીને ડિટેલ્સ શેર કરવા માટે જણાવ્યું હતું.

સ્વરા ભાસ્કરે લખ્યું: દિલ્હી, ચાલો બાબા કા ઢાબાનું મટર પનીર ખાઈ આવીએ. માલવિયા નગર

જો કે હવે તમામ લોકોનો સપોર્ટ મળ્યા બાદ હવે બાબા કા ઢાબા શાનદાર રીતે ચાલી રહ્યું છે. કાંતા પ્રસાદનું કહેવું છે કે હવે તેમનો ધંધો સરસ ચાલી રહ્યો છે. કાંતા પ્રસાદ 1990થી આ ઢાબા ચલાવે છે. વીડિયો વાયરલ થયા બાદ આમ આદમી પાર્ટીના સોમનાથ ભારતીએ પણ આ ઢાબાની મુલાકાત લીધી.

કાંતા પ્રસાદ કહે છે કે આજે આખું હિન્દુસ્તાન અમારી સાથે છે. સૌ કોઈ અમારી મદદ કરી રહ્યા છે. તેમને આશા છે કે આવનાર દિવસોમાં પણ લોકો તેમના ઢાબામાં આવી રીતે આવતા રહેશે.

સોશ્યલ મીડિયા ઢાબા દિલ્હી Social Media Dhaba delhi
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ