ફ્લિપકાર્ટના એન્ટરટેઇનર નંબર વન કોમ્પિટીશન જીતવાવાળા ટીકટોક સ્ટાર બાબા ઉર્ફે યુવરાજ અત્યારે ખાસા ચર્ચામા છે. એવુ નથી કે આ પ્રાઇઝ જીત્યા બાદ યુવરાજ મશહૂર છે. સોશિયલ મિડીયામાં તેમનુ નામ પહેલેથી જ જાણીતુ છે. અમિતાભ બચ્ચન, ઋતિક રોશન, ટાઇગર શ્રોફ જેવા કલાકાર યુવરાજનો વિડીયો પોતાના એકાઉન્ટ પરથી પોસ્ટ કરી ચૂક્યા છે
મજૂરનો દિકરો બન્યો સ્ટાર
યુવરાજનુ હુલામણુ નામ બાબા જેક્સન
યુવરાજના પિતા એક મજૂર છે અને ઘરમાં ટાઇલ્સ લગાવવાનું કામ કરે છે. લૉકડાઉન દરમિયાન ફ્લિપકાર્ટે એક કોમ્પિટીશનની શરૂઆત કરી. જેમાં દર અઠવાડીયે 10 લાખ રૂપિયાનુ ઇનામ મળતુ હતુ. મેગા વિનરને 1 કરોડ રૂપિયાનુ ઇનામ મળવાનુ હતું.
તમને જણાવી દઇએ કે, જોધપુરના યુવરાજને લોકો જેક્સન બાબાના નામે ઓળખે છે. ટીકટોક પર યુવરાજના 10 લાખથી વધારે ફોલોઅર્સ છે.
યુવરાજે જણાવ્યુ કે, મને કોઇએ ડાન્સ નથી શીખવાડ્યો. મુન્ના માઇકલ રિલીઝ થઇ ત્યારથી તેણે ડાન્સ કરવાનો શરૂ કર્યો હતો. ટાઇગર શ્રોફને જોઇને ડાન્સ કરવાનો શરૂ કર્યો હતો.
પ્રભુદેવા તેના માટે ઇનસ્પિરેશન છે. ડાન્સ શીખવામાં તેને 5 મહિના લાગ્યા હતા. અમિતાભે વિડીયો શૅર કર્યો તે બાબત પર યુવરાજે કહ્યું કે, તેને વિશ્વાસ નહોતો થઇ રહ્યો હતો કે સેલિબ્રિટીઝે તેનો વિડીયો શૅર કર્યો છે.