બાહુબલી ફેમ અભિનેત્રી અનુષ્કા શેટ્ટીના પ્રભાસ સાથેના અફેર અને લગ્નની અફવાઓ સમાચારોમાં છે. પરંતુ પ્રભાસ અને અનુષ્કા એક બીજાને ફક્ત સારા મિત્રો કહે છે. હવે, સાઉથની અભિનેત્રી અનુષ્કાની લવ લાઈફને લઈને મોટા સમાચાર આવ્યા છે. એવા અહેવાલો મળી રહ્યા છે કે, અનુષ્કા ડિરેક્ટર પ્રકાશ કોવલમુદી સાથે લગ્ન કરી શકે છે.
અભિનેત્રી અનુષ્કા શેટ્ટીના પ્રભાસ સાથેના અફેર અને લગ્નની અફવાઓ સમાચારોમાં છે
ફિલ્મ સાઇઝ ઝીરોના શૂટિંગ દરમિયાન અનુષ્કા શેટ્ટી અને પ્રકાશ કોવલમુડી મળ્યા હતા
આ અહેવાલમાં સત્યતા કેટલી છે, તે હજી બહાર આવ્યું નથી
અનુષ્કા શેટ્ટી આ ડિરેક્ટર સાથે લગ્ન કરશે
એક ન્યુઝ એજન્સીના અહેવાલ મુજબ, અનુષ્કા શેટ્ટી જાણીતા ડિરેક્ટર કે.કે. રાઘવેન્દ્ર રાવનો પુત્ર પ્રકાશ કોવલમુડી લગ્નમાં બંધાઈ શકે છે. જોકે હવે અભિનેત્રીએ તેની અંગત જિંદગી ઉપર મૌન ધારણ કર્યું છે. પ્રકાશકનું પ્રથમ લગ્ન લેખક કનિકા ઢિલ્લન સાથે થયા હતા. 2014 માં બંનેના લગ્ન થયા હતા. પરંતુ તેઓ આ હવે છૂટા થઈ ગયા છે. પરંતુ છૂટાછેડા વિશે કોઈ માહિતી મળી નથી.
ગયા વર્ષે બંનેએ મીડિયાને તેમના અલગ થવાની જાણકારી આપી હતી. કનિકાએ એક નિવેદનમાં કહ્યું કે તે 2 વર્ષ પહેલા પ્રકાશથી અલગ થઈ ગઈ હતી. પ્રકાશને કંગના રાનાઉતની ફિલ્મ જજમેન્ટલ હૈ ક્યા ડાયરેક્ટ કરીને બોલિવૂડમાં પ્રવેશ કર્યો હતો. આ ફિલ્મ 2019 માં રિલીઝ થઈ હતી. કનિકા અને પ્રકાશ જજમેન્ટલ હૈ ક્યામાં સાથે કામ કરતા હતા. કનિકા આ ફિલ્મની લેખિકા હતી. બંને અલગ થઈ ગયા છે, પરંતુ તેમની વચ્ચે મિત્રતાનો સંબંધ હજી પણ અકબંધ છે.
એવા અહેવાલો મળી રહ્યા છે કે, ફિલ્મ સાઇઝ ઝીરોની શૂટિંગ દરમિયાન અનુષ્કા અને પ્રકાશ મળ્યા હતા. અનુષ્કા શેટ્ટીને વિશે આ અહેવાલમાં રજૂ કરેલી વાતમાં કેટલી સચ્ચાઈ છે તે હજી બહાર આવ્યું નથી. તથા અભિનેત્રી તરફથી કોઈ સત્તાવાર નિવેદન આવ્યું નથી.