IPLIN
 

યુદ્ધ / 49 સૈનિકોના મોત: વધુ એક યુદ્ધના ભણકારાથી વિશ્વમાં હડકંપ, USA-રશિયાએ કહ્યું શાંતિ જાળવો

Team VTV 05:25 PM, 13 Sep 22 | Updated: 05:26 PM, 13 Sep 22
Follow us
Azerbaijan And Armenia war 49 soldiers died by drone attacked

આર્મેનિયા અને અઝરબૈજાન વચ્ચે ઉગ્ર સંઘર્ષ ફાટી નીકળ્યો છે. બંને દેશો તરફથી ભારે તોપમારો કરવામાં આવ્યો છે

  • આર્મેનિયા અને અઝરબૈજાન વચ્ચે ઉગ્ર સંઘર્ષ
  • બંને દેશો તરફથી ભારે તોપમારો કરવામાં આવ્યો
  • રશિયા અને અમેરિક મધ્યસ્થી બનીને યુધ્ધ રોકી શકે છે

યુક્રેન યુદ્ધ વચ્ચે બે કટ્ટર હરિફ એવા આર્મેનિયા અને અઝરબૈજાન વચ્ચે ઉગ્ર સંઘર્ષ ફાટી નીકળ્યો છે. બંને દેશો તરફથી ભારે તોપમારો કરવામાં આવ્યો છે. આર્મેનિયાના વડાપ્રધાને કહ્યું છે કે અઝરબૈજાન હુમલામાં તેમના 49 સૈનિકો માર્યા ગયા છે. દરમિયાન, આખી રાત ચાલેલા ગોળીબાર બાદ હવે આર્મેનિયા અને રશિયા બંને સરહદ પરની પરિસ્થિતિને સ્થિર કરવા સંમત થયા છે. આર્મેનિયાના સંરક્ષણ પ્રધાન સુરેન પાપિક્યને જણાવ્યું હતું કે તેમણે મંગળવારે તેમના રશિયન સમકક્ષ સર્ગેઇ શોઇગુ સાથે વાત કરી હતી. બંને નેતાઓ પરિસ્થિતિને સ્થિર કરવા જરૂરી પગલાં લેવા સંમત થયા છે. આર્મેનિયાએ આરોપ લગાવ્યો છે કે તુર્કીના ઘાતકી ડ્રોનથી સજ્જ અઝરબૈજાનના સૈનિકો તેમના વિસ્તારમાં પ્રવેશવાનો પ્રયાસ કરી રહ્યા છે.

બંને દેશો વચે તોપમારો 
અગાઉ અઝરબૈજાન અને આર્મેનિયા વચ્ચે આખી રાત તોપમારો થયો હતો. જણાવવામાં આવી રહ્યું છે કે આ હુમલામાં અઝરબૈજાનના ઘણા સૈનિકો માર્યા ગયા છે. આ પહેલા 2020માં અઝરબૈજાન અને આર્મેનિયા વચ્ચે નાગેર્નો-કારાબાખને લઈને ઘણા દિવસો સુધી વાકયુદ્ધ ચાલ્યું હતું. બંને પક્ષોએ એકબીજા પર ભડકાવવાનો આરોપ લગાવ્યો હતો. આર્મેનિયાના સંરક્ષણ મંત્રાલયે તાજેતરના નિવેદનમાં જણાવ્યું છે કે અઝરબૈજાને રાત્રે આર્મેનિયન સૈન્યના સ્થાનો પર જોરદાર રીતે તોપમારો કર્યો છે.

 

અઝરબૈજાનના અનેક ઠેકાણાઓ પર તોપમારો
આર્મેનિયાએ કહ્યું કે અઝરબૈજાન હુમલા માટે પોતાના ડ્રોનનો ઉપયોગ કરી રહ્યું છે, જે તુર્કીએ તેને આપ્યા છે. આ પહેલા 2020ના યુદ્ધમાં આ તુર્કીના ડ્રોન વિમાનો આર્મેનિયાની હારના કારણો બન્યા હતા. તેમાં કહેવામાં આવ્યું હતું કે આર્મેનિયાની સેનાએ અઝરબૈજાનના હુમલાનો યોગ્ય જવાબ આપ્યો હતો. બીજી તરફ અઝરબૈજાનના સંરક્ષણ મંત્રાલયે આરોપ લગાવ્યો છે કે આર્મેનિયા પોતાના વિસ્તારમાં વિનાશકારી હુમલા કરી રહ્યું છે. તેમણે દાવો કર્યો હતો કે અઝરબૈજાનના અનેક ઠેકાણાઓ પર તોપમારો કરવામાં આવ્યો છે.

 

રશિયા બંને વચ્ચે મધ્યસ્થી બની શકે છે
અઝરબૈજાને જણાવ્યું હતું કે તેણે અનેક જાનહાનિ સહન કરી હતી પરંતુ તેણે આ સંખ્યા બતાવી ન હતી. અઝરબૈજાનના મીડિયાએ દાવો કર્યો હતો કે અગાઉ બંને દેશો સોમવારે તણાવપૂર્ણ સ્થિતિને રોકવા માટે સંમત થયા હતા, પરંતુ થોડા સમય બાદ તેનો અંત આવ્યો હતો. આ દરમિયાન બધાની નજર આર્મેનિયાના નજીકના સહયોગી એવા રશિયા પર છે, જે બંને દેશો વચ્ચે મધ્યસ્થી કરી રહ્યું છે. આ દરમિયાન અમેરિકાએ કહ્યું છે કે તે હુમલાના અહેવાલોથી ખૂબ જ ચિંતિત છે. અમેરિકાએ કહ્યું કે આ વિવાદનો કોઈ સૈન્ય ઉકેલ આવી શકે નહીં. બીજી તરફ અઝરબૈજાનના સહયોગી તુર્કીએ આર્મેનિયાને ઉશ્કેરણીજનક ગતિવિધિઓ બંધ કરવા અને અઝરબૈજાનને સહયોગ આપવા જણાવ્યું છે.

azerbaijan Armenia America Russia war Drone Attack soldiers military
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ