ઉત્તર પ્રદેશના જિલ્લા આઝમગઢમાં શનિવારે મોડી રાતે કરુણ ઘટના સામે આવી છે. જેમાં એક સાથે પાંચ લોકોના મોત થઈ ગયા છે.
ઉત્તર પ્રદેશમાંથી એક મોટી દુર્ઘટના સામે આવી
ફુલ સ્પિડે આવતી કાર બેકાબૂ થતાં કેટલાય લોકોના મોત
બાજૂમાંથી પસાર થતાં બાઈકને પણ ચપેટમાં લીધું
ઉત્તર પ્રદેશના જિલ્લા આઝમગઢમાં શનિવારે મોડી રાતે કરુણ ઘટના સામે આવી છે. જેમાં એક સાથે પાંચ લોકોના મોત થઈ ગયા છે. એવું કહેવાય છે કે, ચાર લોકો એક જ પરિવારના હતા. શહેરના બરદહ પોલીસ સ્ટેશન વિસ્તાર નજીક આવેલા પુલ પર આ દુર્ઘટના થઈ હતી. ફુલ સ્પિડે આવતી કાર બેકાબૂ થતાં ડિવાઈડર સાથે અથડાઈ ગયા બાદ પલ્ટી મારી ગઈ હતી. એટલું જ નહીં આ દુર્ઘટના બાદ નજીકમાંથી પસાર થઈ રહેલા બાઈક સવારને પણ ચપેટમાં લઈ લીધું અને તેમનું પણ ઘટનાસ્થળે મોત થઈ ગયું હતું. તો વળી બીજી બાજૂ કારમાં સવાર બે પુરુષ, એક મહિલા સહિત બાળકીએ દમ તોડી દીધો હતો. આ તમામ લોકો વિધ્યાંચલ દર્શન માટે જઈ રહ્યા હતા.
રોડ અકસ્માતમાં અનુપ નામનો એક કિશોર ગુમ હોવાનું કહેવાય છે. કાર સવાર એક મહિલાની હાલત અત્યંત ગંભીર છે. શનિવાર રાતે આઝમગઢમાંથી આવી રહેલા અર્ટિગા કાર બરદહ પોલીસ સ્ટેશન વિસ્તારના ભગવાનપુર પુલ પાસે પહોંચી હતી, ત્યારે બેકાબૂ થતાં ડિવાઈડર સાથે અથડાઈ ગઈ હતી. આ ઘટનાના પ્રત્યક્ષદર્શીઓનું કહેવુ છે કે, કાર હવામાં ઉછળીને ખૂબ દૂર સુધી ફંગોળાઈ હકી. આ આ દરમિયાન બાજૂમાંથી પસાર થઈ રહેલા એક બાઈકને પણ ચપેટમાં લઈ લીધું હતુ. જેમાં બાઈક સવાર ત્રણ લોકો ઘાયલ થઈ ગયા હતા.
આ દુર્ઘટનામાં આ લોકોના મોત થયા
સ્થાનિક લોકો સુશીલને સારવાર માટે હોસ્પિટલમાં ભરતી કરાવ્યો, જ્યાં સારવાર દરમિયાન તેનુ મોત થઈ ગયું. બીજી બાજૂ અર્ટિગામાં સવાર પાંચ લોકો ગંભીર રીતે ઘાયલ થઈ ગયા. સ્થાનિક લોકોની મદદથી તેમને કારમાંથી બહાર કાઢવામાં આવ્યા. જ્યાં સુધી ઘાયલ લોકોને હોસ્પિટલ લઈ જવાની વ્યવસ્થા કરતા ત્યાં સુધીમાં પિંટુ યાદવ, શિવપ્રરાશ અને અનોખીના મોત થઈ ચુક્યા હતા. જ્યારે ગંભીર રીતે ઘાયલ બે મહિલાઓને હોસ્પિટલ લઈ જવામાં આવી હતી, જેમાંથી એકનું મોત થઈ ગયું હતું.