બોલિવૂડ એક્ટર આયુષ્માન ખુરાનાએ પોતાની મહેનત અને સમર્પણથી ઈન્ડસ્ટ્રીમાં પોતાનું સ્થાન મેળવ્યું છે.
આયુષ્યમાન ખુરાનાને ધર્મા પ્રોડક્શને કર્યો હતો રિજેક્ટ
એક્ટરે કહી હતી આ વાત
એક્ટર બનવા કર્યો ખૂબ સંઘર્ષ
બોલિવૂડ એક્ટર આયુષ્માન ખુરાનાને આજે ઈન્ડસ્ટ્રીમાં કોઈ ઓળખાણની જરૂર નથી. આયુષ્માને બોલિવૂડને ઘણી ફિલ્મો આપી છે. જેમાં ડ્રીમ ગર્લ, બધાઈ હો, શુભ મંગલ જ્યાદા સાવધાન, વિકી ડોનર જેવી હિટ ફિલ્મોનો સમાવેશ થાય છે. અભિનેતાએ ઘણી તકલીફો બાદ આ સ્થાન હાંસલ કર્યું છે. પરંતુ શું તમે જાણો છો કે એક સમય એવો હતો જ્યારે આયુષ્માન ખુરાનાને કરણ જોહરના ધર્મા પ્રોડક્શન્સ દ્વારા રિજેક્ટ કરવામાં આવ્યો હતો.
ટોપ પર પહોંચવા કરવો પડ્યો ઘણો સંઘર્ષ
આયુષ્માન ખુરાનાનું નામ આજે ઈન્ડસ્ટ્રીના ટોપ એક્ટર્સની યાદીમાં સામેલ છે. પરંતુ ઇન્ડસ્ટ્રીની આ ઊંચાઈ સુધી પહોંચવા માટે અભિનેતાને ઘણો સંઘર્ષ કરવો પડ્યો હતો. આયુષ્માને તેના પુસ્તક 'ક્રેકીંગ ધ કોડઃ માય જર્ની ઇન બોલિવૂડ'ના એક અંશમાં ધર્મા પ્રોડક્શન્સ વિશે જણાવ્યું હતું.
પહેલા હતા રેડિયો જોકી
આયુષ્માને લખ્યું છે કે જ્યારે તે રેડિયો જોકી હતો ત્યારે તેણે કરણ જોહરનો ઈન્ટરવ્યુ લીધો હતો. 2007 માં એક એવોર્ડ શો દરમિયાન આયુષ્માને કરણ પાસે તેનો નંબર માંગ્યો અને તેને કહ્યું કે તે અભિનેતા બનવા માંગે છે. "જ્યારે હું તેમને મળ્યો, ત્યારે કરણે મને તેની ઓફિસનો લેન્ડલાઇન નંબર આપ્યો. બીજા દિવસે મેં કરણ જોહરનો નંબર ડાયલ કર્યો. જેના પર ઓફિસ તરફથી કહેવામાં આવ્યું કે તે હાલ છે નહીં.
કરણ જોહરની ઓફિસથી કહેવામાં આવી આ વાત
અભિનેતાએ આગળ કહ્યું કે આ પછી પણ મેં ફરીથી ફોન કર્યો. તો મને કહેવામાં આવ્યું કે તે ખૂબ જ વ્યસ્ત છે. અને અંતે જ્યારે મારી ધીરજ પૂરી થઈ ત્યારે ઑફિસ તરફથી કહેવામાં આવ્યું કે અમે ફક્ત ફિલ્મ સ્ટાર્સ સાથે જ કામ કરીએ છીએ. અને તમારી સાથે કામ નહીં કરી શકીએ. તમને જણાવી દઈએ કે વર્ષ 2018માં કરણ જોહરે આયુષ્માનને કોફી વિથ કરણમાં ગેસ્ટ તરીકે બોલાવ્યો હતો.