કમાણી / આયુષ્માનની 'આર્ટિકલ 15' આપી રહી છે 'કબીર સિંહ' ને ટક્કર, પહેલા દિવસે કરી આટલા કરોડની કમાણી

સત્ય ધટના પર આધારિત  'આર્ટિકલ 15' નું કન્ટેન્ટ ચર્ચામાં છે, તો બીજી તરફ ફિલ્મને લઇને કોન્ટ્રોવર્સી પણ થઇ રહી છે. લોકો ફિલ્મને 'એન્ટી બ્રાહ્મણ' ગણાવી રહ્યા છે. તેમ છતાં ફિલ્મ બોક્સ ઑફિસ પર શાનદાર કમાણી કરી રહી છે. આ ફિલ્મે પહેલા દિવસે 5.02 કરોડ રૂપિયાનું કલેક્શન કર્યુ છે અને આ સાથે જ આયુષ્માનની સેકન્ડ બેસ્ટ ફર્સ્ટ ડે કલેક્શનવાળી ફિલ્મ બની ગઇ છે.

#Article15 has a decent Day 1... Gathered speed towards evening shows, after a dull start in the morning... Should witness an upward trend/substantial growth on Day 2... Metros are driving the biz and high-end multiplexes will contribute largely... Fri ₹ 5.02 cr. India biz.

— taran adarsh (@taran_adarsh) June 29, 2019

ઉલ્લેખનીય છે કે, આ ફિલ્મનુ બજેટ લગભગ 18 કરોડ રૂપિયા છે, તેને ધ્યાનમાં રાખીએ તો 5 કરોડ ફર્સ્ટ ડે કલેક્શન સારુ જ કહી શકાય. ફિલ્મને ક્રિટિક્સ અને ઓડિયન્સ બંને તરફથી સારા રિવ્યૂઝ મળી રહ્યા છે. આ સિવાય ફિલ્મને વર્ડ ઑફ માઉથથી પણ ફાયદો મળી શકે તેવી આશા છે. બેક ટૂ બેક 2 હિટ આપ્યા પછી લોકોને આયુષ્માન પાસેથી ઘણી આશા છે. આયુષ્માનની ફિલ્મ 'બધાઇ હો' અને 'અંધાધુન' એ બોક્સ ઑફિસ પર સારુ ક્લેક્શન કર્યુ છે, લોકોને આ ફિલ્મો ખૂબ જ પસંદ આવી હતી. 

શેના પર આધારિત છે ફિલ્મ?

આ ફિલ્મમાં દેશમાં કઇ રીતે જાતિ તથા ધર્નને આધારે ભેદભાવ કરવામાં આવે છે અને કેવી રીતે પછાત સમાજના લોકોનુ જીવવુ મુશ્કેલ છે, તે બતાવવામાં આવ્યુ છે. 

શું છે આર્ટિકલ 15?

ભારતીય બંધારણના આર્ટિકલ 15 પ્રમાણે, કોઈ પણ વર્ગ, જાતિ, લિંગ કે પછી ધર્મના આધારે વ્યક્તિ સાથે ભેદભાવ કરી શકાય નહીં. કોઈ પણ નાગરિકને દુકાન, પબ્લિક રેસ્ટોરન્ટ, હોટલ તથા પબ્લિક એન્ટરટેઈન્મેન્ટથી વંચિત રાખી શકાય નહીં. અહીંયા એ પણ કહેવામાં આવ્યું છે કે રાજ્યના ફંડથી બનેલા અથવા જાહેર જનતા માટે બનેલા કૂવા, ટેંક, સ્નાનાગાર, રસ્તા, પબ્લિક રિસોર્ટનો ઉપયોગ કરવાથી કોઈ પણ નાગરિકને અટકાવી શકાય નહીં.