IPLIN
 

VIDEO: આયુષ્માનની માતા પ્રેગ્નેન્ટ થઇ તો બધાએ કહ્યુ 'બધાઇ હો'

Team VTV 12:43 PM, 12 Sep 18 | Updated: 06:54 PM, 30 Mar 19
Follow us
ayushmann-khurrana-film-badhaai-ho-trailer-released
આયુષ્માન ખુરાનાની ફિલ્મ 'બધાઇ હો'નું ટ્રેલર રીલિઝ કરી દેવામાં આવ્યું છે. આ ફિલ્મના ટ્રેલરમાં તમને એક એવી સ્ટોરી જાણવા મળશે જેને સાંભળીને તમે હસવું રોકી નહી શકો. આ ફિલ્મનું ડાયરેક્શન અમિત શર્માએ કર્યુ છે.  25 વર્ષનો યુવાન નકુલ ( આયુષ્માન ખુરાના ) એક કોર્પોરેટ કંપનીમાં કામ કરે છે . તે પોતાના પેરન્ટ્સ જિતેન્દર કૌશિક ( ગજરાજ રાવ ) અને પ્રિયમવદા ( નીના ગુપ્તા ) ભાઈ ગુલર ( શારદુલ રાણા ) અને દાદી ( સુરેખા સિકરી ) સંપૂર્ણ પરિવારે એક સાથે રહે છે .

 
ટ્રેલરમાં જે દેખાડવામાં આવ્યું છે તેમ આ ઘરમાં બધુ જ એકદમ નોર્મલ ચાલી રહ્યું હોય છે તેવામાં અચાનક નકુલના પિતા ઘરવાળાઓને એક આશ્ચર્યજનક ખુશખબરી આપી ચોંકાવી દે છે . તેઓ કહે છે કે તેમની વાઇફ એટલે કે નકુલની મમ્મી પ્રેગ્નેન્ટ છે જેને સાંભળીને ઘરવાળા જ નહીં પણ આડોશી પાડોશી પણ શોકમાં આવી જાય છે .




જ્યારે નકુલ માટે તો આ શોકથી વધુ શરમ આવે તેવી વાત છે . તેને ક્યારેય એવું નહોતું વિચાર્યું કે આ પોતે જ્યારે લગ્ન કરવાની ઉંમરનો થયો છે ત્યારે તેની મમ્મી ફરી મમ્મી બનશે અને તેમના પરિવારમાં એક નવું મહેમાન આવશે . આ સમાચાર જાણીને તેની લવ લાઇફ રિની ( સાન્યા મલ્હોત્રા ) સાથેના સંબંધો પર પણ અસર પડે છે .

 
આયુષ્માન ખુરાના સનાયા મલ્હોત્રા નીના ગુપ્તા અને ગજરાજ રાવ સ્ટારર ફિલ્મ  'બધાઇ હો' 19 ઓક્ટોબરના થિયેટર્સમાં રિલીઝ થશે. ઓક્ટોબરમાં 'બધાઇ હો' સિવાય આયુષ્માનની 'અંધાધુન'  ફિલ્મ પણ રિલીઝ થશે જેનું ટ્રેલર તાજેતરમાં જ રિલીઝ કરવામાં આવ્યું છે. શ્રીરામ રાધવનની આ ફિલ્મમાં આયુષ્માન ખુરાના સિવાય રાધિકા આપ્ટે અને તબ્બૂ લીડ રોલમાં જોવા મળશે.

 
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ