કૌભાંડ / બનાસકાંઠામાંથી ઝડપાયું આયુષ્માન કાર્ડ કૌભાંડ, જાણો કેવી રીતે આચરવામાં આવ્યું આ તરકટ

• રાજકોટ બાદ બનાસકાંઠામાં કૌભાંડ
• બનાસકાંઠામાંથી ઝડપાયું આયુષમાન ભારત યોજનાનું ડમી કાર્ડ કૌભાંડ
• પોલીસે હાથ ધરી તપાસ 

જ્યારે આ મામલે હોસ્પિટલના ડોક્ટરને જાણ થતાં પોલીસને જાણ કરી હતી. જેના આધારે નરેન્દ્ર ચૌધરીની કડક પૂછપરછ કરતાં તેને ડુપ્લીકેટ કાર્ડ બનાવ્યા હોવાનો ખુલાસો કર્યો છે. જેથી નરેન્દ્ર અને ભરત વિરુદ્ધ પોલીસ સ્ટેશનમાં ફરિયાદ દાખલ કરાવવામાં આવી છે. 

આરોપીઓ લોકોને આયુષમાન કાર્ડ કાઢી આપતા

આ મામલે તાલુકા હેલ્થ અધિકારીને જાણ કરતાં આરોપીઓ વિરુદ્ધ કાર્યવાહી કરવાનું જણાવ્યું હતું. જોકે હવે અહીં સવાલ એ છે કે આરોપીએ જે લોકોને આયુષમાન કાર્ડ કાઢી આપ્યા છે.. તે કાર્ડ અસલ છે કે નકલી અને એ કાર્ડથી સારવાર કરાવી શકશે કે નહીં તે મોટો સવાલ છે. 

ભોળી જનતાને આ શખ્સો પધરાવતા ડુપ્લીકેટ કાર્ડ

અહીં જનતા પણ સરકારી કામગીરીની આંટીઘૂંટીમાં સરળતાથી કાર્ડ મળી રહે તે માટે આવા લોકોની જાળમાં ફસાઈ જાય છે. રાજ્યમાં આવા તો અનેક લોકો હશે જે ભોળી જનતાને ડુપ્લીકેટ કાર્ડ પધરાવતા હશે. આ અગાઉ રાજકોટમાં પણ ડુપ્લીકેટ કાર્ડ બનાવવાનું કૌભાંડ સામે આવ્યું હતું.

રાજકોટમાંથી પણ ઝડપાયું આયુષમાન કાર્ડનું મોટું કૌભાંડ 

રાજકોટમાં આયુષમાન કાર્ડનું મોટું કૌભાંડ સામે આવ્યું છે. આરોગ્ય ચેરમેન જયમીન ઠાકર અને કલેક્ટરે સદર બજાર વિસ્તારમાં દરોડા પાડી અને મોટું કૌભાંડ ઝડપ્યું. બોગસ કાર્ડ બનાવી લોકોને છેતરવામાં આવતા હતા. એક કાર્ડ દીઠ 700 રૂપિયા લેતા હતાં. અત્યાર સુધી હજારો કાર્ડ નકલી આયુષમાન કાર્ડ કાઢવામાં આવ્યા છે.

બોગસ આયુષ્માન કાર્ડની ફરિયાદ મળી હોવાને લીધે કલેક્ટરે તથા આરોગ્ય ચેરમેને દરોડા પાડી આ કૌભાંડનો પર્દાફાર્શ કર્યો હતો. ત્યારે અનેક સવાલો થાય છે કે કેટલાં સમયથી ચાલતું હતું આ આયુષમાન કાર્ડનું કૌભાંડ?, કેટલાં ગરીબોનાં પૈસા લૂંટ્યા છે?, હજુ સુધી કેટલાં બોગસ આયુષમાન કાર્ડ નીકળ્યા છે?, કાર્ડ કાઢવાની સામગ્ર આ લોકો પાસે ક્યાંથી આવી? તથા સદર બજારમાં ધમધમતા આ કૌભાંડની કોઇને જાણ જ ન હતી? આ તમામ સવાલો તંત્રના ભ્રષ્ટાચારની ગંધ આવી રહી છે. ત્યારે સવાલ એ છે કે આમાં સંડોવાયેલા અધિકારીઓ સામે પગલા ભરાશે કે પછી તેઓ અજાણ હતાં તેમ કહી છાવરવામાં આવશે.