ફાયદાકારક / આયુર્વેદની 5 જબરદસ્ત ટિપ્સ, માની લેશો તો જીવનભર નહીં થાય પેટ અને પાચનતંત્રના રોગ

• આયુર્વેદ પ્રમાણે રાતનું ભોજન કેવું હોવું જોઈએ 

રાતનું ભોજન એવું હોવું જોઈએ જે લો કાર્બ હોય. તેની પાછળનું કારણ એ છે કે રાતે કાર્બ્સને ડાઈજેસ્ટ કરવું મુશ્કેલ હોય છે. લો કાર્બ આહાર જલ્દી પચી જાય છે અને તમને સારી ઊંઘ પણ આવે છે. તો આહારમાં પનીર, ટોફૂ, દાળો, ફળિયો, લો ફેટ ચિકન ખાઓ. 

રાતે એવો આહાર ખાઓ જે પ્રોટીનથી ભરપૂર હોય. તમારા ભોજનમાં લો ફેટ પ્રોટીન (ગ્રીલ્ડ), દાળો, લીલાં પાનવાળી શાકભાજી, મીઠો લીમડો જેવી વસ્તુઓ સામેલ કરો. રાતે પ્રોટીનથી ભરપૂર આહાર લેવાથી પાચન યોગ્ય રીતે કામ કરે છે. 

સાંજે 7 વાગ્યા પછી મીઠું ઓછું ખાઓ. ઘણાં લોકોને મીઠાં વગર ચાલતું નથી પણ સ્વાસ્થ્ય માટે તે ખૂબ જ જરૂરી છે. ખાસ કરીને એ સમયે જ્યારે તમે કોઈ પાર્ટીમાં જવાનું પ્લાન કરી રહ્યાં હોવ. મીઠું ખાવાથી બોડીમાં વોટર રિટેન્શન વધી જાય છે. જેના કારણે વજન વધવા લાગે છે. 

જો તમે ફૂડી હોવ અને ગમે ત્યારે કંઈપણ ખાવાની ટેવ હોય તો સંયમ લાવવું જરૂરી છે. તો જ તમે હેલ્ધી રહી શકશો. આયુર્વેદ અનુસાર રાતનું ભોજન હળવું હોવું જોઈએ. તેનાથી ઊંઘ પણ સારી આવે છે. જે તમારા સ્વાસ્થ્ય માટે પણ બહુ જ જરૂરી છે. તેનાથી પાચનતંત્ર પણ સારું રહે છે. સૂવાના 3 કલાક પહેલાં ડિનર કરી લેવું. આ વાતનું ખાસ ધ્યાન રાખવું. 

રાતે દહીં, છાશ ખાવું નહીં. ઘણાં લોકોને દહીં બહુ જ પસંદ હોય છે પણ જો તમે વજન ઉતારવા માગતા હો તો રાતે દહીં ખાવાનું અવોઈડ કરવું. આયુર્વેદ મુજબ દહીં કફ દોષ વધારે છે કારણ કે દહીં ખાટું મીઠું હોય છે. આ બોડીમાં અસંતુલન પેદા કરે છે જે નાક બંધ થવા જેવી પરેશાની વધારી શકે છે. સાથે જ રાતની ઊંઘને પણ અસર કરી શકે છે.