કોરોના વિધ્ન / રામ જન્મભૂમિના પુજારી સહિત મંદિરના ભૂમિ પુજન માટે સુરક્ષામાં રહેલા 16 પોલીસકર્મી કોરોના પોઝિટિવ આવ્યા

• પુજારી પ્રદિપ દાસ કોરોના પોઝિટિવ આવ્યા છે
•  4 પુજારીમાંથી એક પુજારીનો કોરોના ટેસ્ટ પોઝિટિવ આવ્યો છે
• 16 પોલીસ ક્મી પણ કોરોના પોઝિટિવ આવ્યા 

અયોધ્યામાં રામ જન્મભૂમિ મંદિરના ભૂમિપુજનના કાર્યક્રમ પર કોરોનાનું સંકટ તોડાઈ રહ્યુ છે.  રામ જન્મભૂમિના પુજારી પ્રદિપ દાસ કોરોના પોઝિટિવ આવ્યા છે. ત્યાના આ મુખ્ય પુજારી આચાર્ય સત્યેન્દ્રના શિષ્ય છે.  સાથે રામ જન્મભૂમિની સુરક્ષામાં લાગેલા 16 પોલીસ કર્મીઓ કોરોના પોઝિટીવ આવ્યા છે.

મુખ્ય પુજારી આચાર્ય સત્યેન્દ્ર દાસની સાથે ચાર પુજારી રામ લલાની સેવા કરે છે. તેમાંના 4 પુજારીમાંથી એક પુજારીનો કોરોના ટેસ્ટ પોઝિટિવ આવ્યો છે. તેમને હોમ ક્વોરેન્ટાઈન કરવામાં આવ્યા છે.  તેની સાથે 16 પોલીસ ક્મી પણ કોરોના પોઝિટિવ આવ્યા છે.
જેમને ક્વોરેન્ટાઈન કરવામાં આવ્યા છે. ઉલ્લેખનીય છે કે પીએમ મોદી, ગૃહમંત્રી સહિતના નેતાઓ તેમજ ઉદ્યોગપતિઓ સહિત 200 મહેમાનો આ પ્રસંગે આવવાના છે. ત્યારે આ ઘટનાએ ચિંતા વધારી છે.