ઉત્તરપ્રદેશના અયોધ્યામાં રામલલ્લાનું મંદિર નિર્માણ કાર્ય ઘણું ઝડપથી ચાલી રહ્યું છે. ત્યારે હવે મંદિરમાં રામલલ્લાનું બાળસ્વરૂપ પણ સ્થાપિત થશે.
રામલલ્લાનું બાળસ્વરૂપ બનાવાશે
5 ફુટની પ્રતિમા બનાવામાં આવશે
2024 સુધીમાં મંદિર નિર્માણ થશે પૂર્ણ
અયોધ્યામાં રામલલ્લાનું બાળસ્વરૂપ 5 ફુટનું બનાવવામાં આવશે.
મકરાનાના કારીગરો રામલલ્લાના બાળસ્વરૂપની મૂર્તિ બનાવવાના છે. હાલ યુપીના અયોધ્યામાં રામ મંદિર નિર્માણ કાર્ય પૂરજોરમાં ચાલી રહ્યું છે. મંદિરમાં રામલલ્લાનું બાળસ્વરૂપ સ્થાપિત કરવાનો ટ્રસ્ટીઓએ નિર્ણય લીધો હતો. આ મૂર્તિને સફેદ કલરના માર્બલના પત્થરથી નિર્માણ કરાશે. રામલલ્લા મંદિરની અચલ પ્રતિમાને અયોધ્યામાં હોશિયાર કારીગરો અને વિદ્વાનોના નિર્દેશનમાં તૈયાર થઈ રહ્યું છે.
રામ મંદિરનું નિર્માણકાર્ય 2024માં નવા મંદિર પરિસરમાં વિરાજમાન થશે. 2023માં લોકો દૂરથી દર્શન કરી શકશે. ગર્ભગૃહમાં ભગવાનના હાલની મૂર્તિની સાથે એક મોટી મૂર્તિને પણ સ્થાપિત કરવાની યોજના છે. ટ્રસ્ટના અનુસાર ભગવાન શ્રી રામલલ્લાના બાળ સ્વરૂપને સફેદ માર્બલથી બનાવવાનો વિચાર કરવામાં આવી રહ્યો છે. આ મૂર્તિને રાજસ્થાનના મકરાનાના કારીગર અયોધ્યામાં જ તૈયાર કરશે.
લોકો દૂરથી દર્શન કરી શકશે
રાજ જન્મભૂમિ મંદિર નિર્માણ કાર્ય ચાલી રહ્યું છે. મંદિર ચબુતરાને તૈયાર કરવાની સાથે જ ગર્ભગૃહ નિર્માણની પ્રક્રિયા પણ ઝડપી થઇ ગઈ છે. શ્રી રામ જન્મભૂમી તીર્થ ક્ષેત્ર ટ્રસ્ટે મંદિરના ગર્ભગૃહના નિર્માણ કાર્ય માટે ડિસેમ્બર 2023 સુધીનો સમય નક્કી કર્યો છે. ત્યારે, જાન્યુઆરી 2024માં ભગવાન શ્રી રામલલાના ચલ અને અચલ મૂર્તિને બિરાજમાન કરવવાની તૈયારી કરી રહ્યા છે. હાલમાં અહીં પર જે મૂર્તિ છે, તેનું સ્વરૂપ નાનું છે. લોકો દૂરથી ભગવાનના દર્શન કરી શકે તેના માટે એક મોટી મૂર્તિ લગાવવા પર વિચાર કર્યો છે.
બાળસ્વરૂપનું કરવામાં આવી રહ્યું છે ચિત્રાંકન
રામ જન્મ ભૂમિ પરિસરમાં ભગવાન શ્રી રામલલ્લાની એક મોટી મૂર્તિ લગાવવામાં આવશે. જેના પર તમામ વિદ્વાન લોકો વિચાર કરીને આગળ વધી રહ્યા છે. આ મૂર્તિને અયોધ્યામાં જ કારીગરોને બોલાવીને બનાવવામાં આવે આનો પણ વિચાર છે. ટ્રસ્ટના સભ્ય વિશ્વપ્રસન્ન તીર્થ અનુસાર, મંદિરના ગર્ભગૃહમાં અંદાજિત 5 ફૂટની મૂર્તિ લગાવવામાં આવશે. ઉત્તરભારતમાં સફેદ રંગની શિલાનું પૂજન થાય છે એટલા માટે સંગમરમરથી જ રામલલાની મૂર્તિ ઉચિત હશે. આ રામલલ્લાના મંદિર છે તેના માટે તેનું બાળ સ્વરૂપ હશે, જેનું ચિત્રાંકન કરવામાં આવી રહ્યું છે.