રામમંદિર વિવાદ / મુસ્લિમ પક્ષો બાદ હવે નિર્મોહી અખાડા પણ અયોધ્યા ચુકાદા મુદ્દે સુપ્રીમમાં પહોચ્યું, રિવ્યુ પિટીશનની માંગ

• અયોધ્યા મામલામાં નિર્મોહી અખાડા સુપ્રીમ કોર્ટ પહોંચ્યું
• બાબરી મસ્જિદ જમીન વિવાદમાં નિર્મોહી અખાડાએ રિવ્યૂ પિટીશન દાખલ કર્યું
• નિર્મોહી અખાડા આ મામલામાં સ્પષ્ટીકરણ ઇચ્છે છે.

નિર્મોહી અખાડાએ સુપ્રીમ કોર્ટમાં પૂનર્વિચાર અરજી દાખલ કરી છે. નિર્મોહી અખાડાએ અરજીમાં કહ્યું કે સુપ્રીમ કોર્ટે પોતાના 9 નવેમ્બરના નિર્ણયમાં કેન્દ્રના રામ મંદિર નિર્માણ માટે બનવા જઇ રહેલા ટ્રસ્ટમાં અખાડાને યોગ્ય પ્રતિનિધિત્વ આપવાનો નિર્દેશ આપ્યો હતો. નિર્ણય બાદ એક મહીનાથી વધારે સમય વીતી ચૂક્યો છે પરંતુ હજુ સુધી તેની ભૂમિકા અને પ્રતિનિધિત્વને નિર્ધારિત કરવામાં નથી આવી. નિર્મોહી અખાડા આ સંબંધમાં સ્પષ્ટીકરણ ઇચ્છે છે. 

અરજીમાં વિવાદિત હસ્તગત 2.77 એકડ જમીનની બહાર અખાડાના સ્વામિત્વ વાળા કેટલાય મંદિરોને પાછા આપવાની માંગ પણ કરવામાં આવી છે.