ખુશખબર / એક્સિસ બેન્કના ગ્રાહકોને મળી તહેવારોની ભેટ, FD વ્યાજદરમાં થયો મોટો વધારો, ચેક કરો ફટાફટ

• એક્સિસ બેન્કના ગ્રાહકો માટે ખુશખબર
• બેન્કે કર્યો FD વ્યાજ દરમાં વધારો 
• 30 દિવસની FD પર મળશે 3.25 ટકા વ્યાજ 
• 7 દિવસથી 29 દિવસમાં પાકતી FD પર 2.75 ટકા વ્યાજ મળશે
• 30 દિવસમાં પાકતી FD પર 3.25 ટકા વ્યાજ દર 

ખાનગી ક્ષેત્રની અગ્રણી બેન્ક એક્સિસે ઘરેલુ FDના વ્યાજદરમાં ફેરફાર કર્યો છે. એફડીના નવા દરો અનુસાર એક્સિસ બેન્ક હવે 7 દિવસથી 29 દિવસમાં પાકતી એફડી પર 2.75 ટકા અને 30 દિવસમાં પાકતી એફડી પર 3.25 ટકા વ્યાજ દર આપી રહી છે. 

કઈ એફડી પર કેટલું વ્યાજ 
3થી 6 મહિનામાં પાકતી એક્સિસ બેન્કની એફડી પર હવે 3.75 ટકાના દરે વ્યાજ મળશે. સાથે જ હવે 6થી 9 મહિનામાં પાકતી એફડી પર 4.65 ટકાના દરે વ્યાજ આપવામાં આવશે. એ જ રીતે 9 મહિનાથી 1 વર્ષના સમયગાળા માટે 4.75 ટકા, 1 વર્ષથી 1 વર્ષ 11 દિવસની એફડી પર 5.45 ટકા અને 15 મહિનામાં પરિપક્વ થતી એફડી પર 5.60 વ્યાજની ઓફર કરવામાં આવી છે. એક્સિસ બેંક હવે 15 મહિનાથી 2 વર્ષના સમયગાળા માટે એફડી પર મહત્તમ 6.15 ટકા વ્યાજ દર ઓફર કરી રહી છે, જ્યારે બેંક હવે આગામી 2 થી 5 વર્ષમાં પરિપક્વ થતી એફડી પર 5.70 ટકા વ્યાજ દર ઓફર કરી રહી છે. એક્સિસ બેંક હાલમાં પાંચથી દસ વર્ષના સમયગાળા માટે 5.75 ટકા વ્યાજ દર ઓફર કરી રહી છે.

વરિષ્ઠ નાગરિકો માટે એફડીનો વ્યાજ દર 
એક્સિસ બેંક વરિષ્ઠ નાગરિકો માટે 6 મહિનાથી 10 વર્ષમાં પરિપક્વ થતી એફડી પર 4.90 ટકાથી 6.50 ટકા વચ્ચે વ્યાજ દર ઓફર કરી રહી છે. સાથે જ વધારાના વ્યાજ દરનો લાભ પણ વરિષ્ઠ નાગરિકોને આપવામાં આવી રહ્યો છે. એક્સિસ બેન્કે 15 મહિનાથી 2 વર્ષ સુધી પાકતી એફડી પર સિનિયર સિટિઝન્સને મહત્તમ 6.90 ટકા વ્યાજ દર આપવાની ઓફર કરી છે.