ભારતીય ઓપનર કેએલ રાહુલે 23 જાન્યુઆરીએ બોલીવુડ અભિનેત્રી આથિયા શેટ્ટી સાથે લગ્ન કર્યા. હવે સ્ટાર ઓલરાઉન્ડર અક્ષર પટેલ પણ લગ્નના બંધનમાં બંધાયા. અક્ષરે પોતાની મંગેતર મેહા પટેલ સાથે સાત ફેરા લીધા.
કેએલ રાહુલ બાદ અક્ષર પટેલ બન્યાં વરરાજા
અક્ષરે પોતાની મંગેતર મેહા પટેલ સાથે લીધા સાત ફેરા
મહેંદી સેરેમનીની અમુક તસ્વીરો પણ વાયરલ થઇ
અક્ષર પટેલે મેહા પટેલ સાથે કર્યા લગ્ન
અક્ષર અને મેહાના લગ્ન પહેલા મહેંદી અને હલ્દીની વિધિઓ કરવામાં આવી. મહેંદી સેરેમનીની અમુક તસ્વીરો પણ વાયરલ થઇ છે. અક્ષર પટેલે આજે પ્રભુતામાં પગલા માંડ્યા છે. અક્ષર અને મેહાના લગ્ન પહેલા મહેંદી અને હલ્દીની વિધિ કરવામાં આવી. આ સમારોહમાં ક્રિકેટર જયદેવ ઉનાદકટ પણ પહોંચ્યા હતા.
અક્ષર અને મેહાના ડાન્સનો વીડિયો વાયરલ
જયદેવ ઉનાદકટે ઈન્સ્ટાગ્રામ પર તસ્વીર શેર કરી. આ સાથે અક્ષર પટેલે પોતાની દુલ્હન મેહા સાથે સંગીત સેરેમનીમાં ડાન્સ પણ કર્યો. આ ડાન્સનો વીડિયો પણ ખૂબ વાયરલ થઇ રહ્યો છે. અક્ષર પટેલ અને મેહાની હલ્દીની તસ્વીરો પણ ખૂબ વાયરલ થઇ રહી છે. જેમાં બંનેએ લગભગ એકજેવા કપડા પહેર્યા છે. મેહા પટેલે ગળામાં પીળા ફૂલોની માળા પણ પહેરી છે.
બંને એકબીજાને છેલ્લાં લાંબા સમયથી કરી રહ્યાં છે ડેટ
અક્ષર પટેલ અને મેહા એકબીજાને છેલ્લાં લાંબા સમયથી ડેટ કરી રહ્યાં હતા. ગયા વર્ષે મેહા અને અક્ષરની સગાઈ થઇ. હવે બંનેએ પ્રભુતામાં પગલા માંડ્યા. મેહા પટેલ વ્યવસાયે એક ન્યુટ્રીશિયન છે. તે સોશિયલ મીડિયામાં ડાયટ પ્લાન પણ શેર કરે છે. અક્ષર પટેલ અને મેહાને ઘણી વખત એકસાથે રજા મનાવતા પણ જોઇ શકાય છે. હાલમાં બંને અમેરિકા પણ ગયા હતા.
અક્ષર પટેલે આ વર્ષની શરૂઆતમાં શ્રીલંકા સામે ટી20 અને વન-ડે મેચની શ્રેણી રમી હતી, જેમાં તેમનુ પ્રદર્શન શાનદાર રહ્યું હતુ. જો કે, ભારતીય ટીમે હાલમાં ન્યુઝીલેન્ડ સામે ત્રણ મેચની વન-ડે સીરીઝ ક્લીન સ્વીપથી જીતી છે.