ભારત-પાકિસ્તાન / આજે જડ્ડુની જગ્યાએ અક્ષર રમશે કે હુડા? ટીમ ઈન્ડિયાની કેવી છે તૈયારી? BCCI એ પોસ્ટ કર્યો VIDEO

• આજે ભારત અને પાકિસ્તાન વચ્ચે મેચ 
• રવીન્દ્ર જાડેજા થયા ઇજાગ્રસ્ત 
• જાડેજાની જગ્યાએ અક્ષર પટેલ કે દીપક હુડ્ડા 

આજે ભારત અને પાકિસ્તાન વચ્ચે મેચ 

આજે ટીમ ઈન્ડિયા અને પાકિસ્તાન ફરી એક વખત ક્રિકેટના મેદાન પર ઉતરશે અને બંને વચ્ચેની ટક્કર જોવા માટે ફેન્સ ઘણા ઉત્સુક છે. ટીમ ઈન્ડિયા ગત મેચની જેમ પાકિસ્તાનને માત આપવાની ઈચ્છા રાખીને મેદાનમાં ઉતરશે. પણ તમને જણાવી દઈએ કે આ મેચ પહેલાટીમ ઈન્ડિયાના સ્ટાર ખેલાડી રવીન્દ્ર જાડેજા ઇજાગ્રસ્ત થયા છે અને એટલા માટ તેઓ મેચનો ભાગ નહીં બની શકે. 

જાડેજાની જગ્યાએ અક્ષર પટેલ કે દીપક હુડ્ડા 

ટીમ ઈન્ડિયાના સ્ટાર ખેલાડી રવીન્દ્ર જાડેજાને ઇજા પંહોચવાને કારણે ટુર્નામેંટમાંથી બહાર થઈ ગયા છે અને તેમની જગ્યાએ અક્ષર પટેલ અથવા દીપક હુડ્ડા ટીમમાં રમી શકે છે. અક્ષર પટેલ એક ઓલરાઉન્ડર છે, જે સ્લો લેફ્ટ આર્મ ઓર્થોડોકસ સ્પિનર છે અને સાથે જ લેફ્ટ હેન્ડેડ બેટ્સમેન છે. દીપક હુડ્ડા પણ રવીન્દ્ર જાડેજાની જગ્યાએ એક સારા દાવેદાર બની શકી છે. હુડ્ડા પણ ઓલરાઉન્ડર છે, જે ઓફબ્રેક બોલિંગ કરવામાં માહેર છે અને સાથે જ રાઇટ હેન્ડેડ બેટ્સમેન પણ છે. 

Match Day 👊

Ready for the #INDvPAK game 💪#TeamIndia | #Asiacup2022 pic.twitter.com/foLgZHoWZ3

— BCCI (@BCCI) September 4, 2022

BCCIએ પોસ્ટ કર્યો વીડિયો 
BCCIએ હાલમાં જ વીડિયો પોસ્ટ કર્યો છે અને વીડિયોમા રાહુલ દ્રવિડ ભારત અને પાકિસ્તાન વચ્ચેની મેચ વિશે વાત કરતાં કહે છે કે આવી જ મેચમા તમારી પરીક્ષા થાય છે. પ્રેશર પણ રહે છે પણ આ પ્રેશર જ તમને આગળ વર્લ્ડ કપ માટે પણ મદદ કરે છે. વીડિયોમા ભારતની ટીમ મેચ માટે તૈયારી કરતી જોવા મળે છે. મેચને લઈને કોમેન્ટ સેક્શનમાં ફેન્સે પણ પોતાનો ઉત્સાહ જટાવ્યો છે. 

એશિયા કપ માટે બંને ટીમના પ્લેઇંગ 11 - 
ભારત :રોહિત શર્મા, કેએલ રાહુલ, વિરાટ કોહલી, સૂર્યકુમાર યાદવ, ઋષભ પંત, દીપક હુડા, દિનેશ કાર્તિક, હાર્દિક પંડ્યા, અક્ષર પટેલ, આર અશ્વિન, યુઝવેન્દ્ર ચહલ, રવિ બિશ્નોઈ, ભુવનેશ્વર કુમાર, અર્શદીપ સિંહ, અવેશ ખાન.

પાકિસ્તાનઃ બાબર આઝમ, શાદાબ ખાન, આસિફ અલી, ફખર જમાન, હૈદર અલી, હરિસ રઉફ, ઈફ્તિખાર અહેમદ, ખુશદિલ શાહ, મોહમ્મદ નવાઝ, મોહમ્મદ રિઝવાન, નસીમ શાહ, શાહનવાઝ દહાની, ઉસ્માન કાદિર, મોહમ્મદ હસનૈન, હસન અલી.