ટીમ ઈન્ડિયાના સ્ટાર ઓલરાઉન્ડર અક્ષર પટેલે 26 જાન્યુઆરીએ મેહા પટેલ સાથે લગ્ન કર્યા હતા. ક્રિકેટર અક્ષર પટેલ અને મેહાના લગ્ન વડોદરામાં થયા છે.
અક્ષર પટેલે 26 જાન્યુઆરીએ મેહા પટેલ સાથે લગ્ન કર્યા હતા
લગ્નના ઘણા વીડિયો સોશિયલ મીડિયા પર વાયરલ
બંને એકબીજાને છેલ્લાં લાંબા સમયથી કરી રહ્યાં હતા ડેટ
લગ્નોની સિઝન શરૂ થઈ ગઈ છે અને ભારતીય ક્રિકેટરો પણ હાલ લગ્નના બંધનમાં બંધાઈ રહ્યા છે. તાજેતરમાં ભારતીય ખેલાડીઓ કેએલ રાહુલ અને આથિયા શેટ્ટીએ 23 જાન્યુઆરીએ લગ્ન કર્યા હતા અને હવે ટીમ ઈન્ડિયાના સ્ટાર ઓલરાઉન્ડર અક્ષર પટેલે 26 જાન્યુઆરીએ મેહા પટેલ સાથે લગ્ન કર્યા હતા. ક્રિકેટર અક્ષર પટેલ અને મેહાના લગ્ન વડોદરામાં થયા છે. અક્ષરના લગ્નના ઘણા વીડિયો સોશિયલ મીડિયા પર વાયરલ થઈ રહ્યા છે.
લગ્નના ફોટો થયા વાયરલ
અક્ષરના લગ્ન પહેલા જયદેવ ઉનડકટે પણ ફોટો શેર કર્યો હતો. ઉનડકટે મહેંદી સેરેમની સાથે જોડાયેલો ફોટો ઇન્સ્ટાગ્રામ પર શેર કર્યો છે. અક્ષરના લગ્નમાં તેનો સાથી ક્રિકેટર જયદેવ ઉનડકટ પણ પહોંચ્યો હતો અને તે પણ તેના પાર્ટનર સાથેની તસવીરોમાં જોવા મળી રહ્યો છે અને તેણે તેની ઈન્સ્ટાગ્રામ પોસ્ટ પર તસવીર પણ શેર કરી છે. જયદેવ ઉનડકટે તેની ઇન્સ્ટાગ્રામ પોસ્ટમાં "વેલકમ ટુ ધ ક્લબ" લખ્યું. અક્ષરે આ લગ્નમાં ટીમ ઇન્ડિયાના ઘણા ખેલાડીઓને આમંત્રણ આપ્યું હતું. પરંતુ વ્યસ્તતાને કારણે તેઓ પહોંચી શક્યા ન હતા.
મોહમ્મદ કૈફએ આપી વધામણી
અક્ષરના લગ્નમાં ખાસ હાજરી આપવા માટે ટીમ ઈન્ડિયાના પૂર્વ ખેલાડી મોહમ્મદ કૈફ આવ્યાં હતા. કૈફે ટ્વિટર પર એક ફોટો શેર કરીને અક્ષર અને મેહાને ખાસ અંદાજમાં અભિનંદન પાઠવ્યા છે. કૈફે લગ્ન પહેલા જ અક્ષર અને મેહા સાથે ફોટો ટ્વીટ કર્યો છે. કૈફે આ ફોટો ટ્વીટ કરવાની સાથે સાથે શુભેચ્છાઓ પણ આપી હતી.
અક્ષર પટેલ તેના જીવનસાથી મેહા પટેલ સાથે લગ્ન કરવા માટે ફુલ બેન્ડ સાથે પહોંચ્યો હતો અને એ દરમિયાન અક્ષર પટેલના ડાન્સનો વીડિયો પણ સોશિયલ મીડિયા પર ઘણો વાયરલ થઈ રહ્યો છે.
બંને એકબીજાને છેલ્લાં લાંબા સમયથી કરી રહ્યાં હતા ડેટ
અક્ષર પટેલ અને મેહા એકબીજાને છેલ્લાં લાંબા સમયથી ડેટ કરી રહ્યાં હતા. અક્ષર પટેલ અને મેહા પટેલે ગયા વર્ષે 20 જાન્યુઆરીએ સગાઈ કરી હતી અને હવે બંને લગ્નના બંધનમાં બંધાઈ ગયા છે. મેહા પટેલ ડાયટિશિયન અને ન્યુટ્રિશનિસ્ટ છે જે ફિટનેસ માટે પણ ખૂબ પ્રખ્યાત છે. સોશિયલ મીડિયામાં ડાયટ પ્લાન પણ શેર કરે છે. અક્ષર પટેલ અને મેહાને ઘણી વખત એકસાથે રજા મનાવતા પણ જોઇ શકાય છે. હાલમાં બંને અમેરિકા પણ ગયા હતા.