હેલ્થ / શિયાળામાં ન નહાવાથી 34 ટકા વધશે તમારું આયુષ્ય! જાણો વાયરલ વીડિયોની સચ્ચાઈ

શિયાળામાં કડકડતી ઠંડીમાં જ્યારે સૂર્યદેવ પણ રજા પર ગયા હોય અને શિયાળો પૂરજોશમાં હોય, ત્યારે એક કાર્ય સૌથી મુશ્કેલ લાગે છે, તે છે સ્નાન કરવું. .કારણ કે ગરમ રજાઇમાંથી બહાર નીકળવું અને સ્નાન કરવું ખૂબ જ મુશ્કેલ કામ છે. પણ જો કોઈ તમને કહે કે 'શિયાળામાં ન નહાવાથી કે ઓછું નહાવાથી તમારી ઉંમર વધે છે?' તો.. તો ઠંડીમાં સ્નાન કરવાની જેમને આળસ આવે છે તેમને તે ચોક્કસ ગમશે. હાલના દિવસોમાં સોશિયલ મીડિયા પર એક વીડિયો વાયરલ થઇ રહ્યો છે જેમાં ડોક્ટર આ વાત કહી રહ્યા છે. આ વાયરલ થવા પાછળ ચોક્કસપણે એવા લોકો હોઈ શકે છે જેઓ ઓછામાં ઓછા તેમના પરિવાર અને મિત્રોને આ વીડિયો બતાવીને કહેતા હશે કે 'તેઓ આ ઠંડીમાં ન નહાવાથી તેમનું આયુષ્ય વધારી રહ્યા છે'. પરંતુ શું આ ખરેખર સાચું છે? ચાલો આ દાવાની સત્યતાની તપાસ કરીએ

વાયરલ વીડિયોનો ચોંકાવનારો દાવો

ઈન્સ્ટાગ્રામ પર એક વીડિયો વાયરલ થઈ રહ્યો છે, જેને ડોક્ટર રેબેકા પિન્ટોએ શેર કર્યો છે. આ વીડિયોમાં દાવો કરવામાં આવ્યો છે કે શિયાળામાં ન નહાવાથી તમારું આયુષ્ય 34% વધી શકે છે. આ વીડિયોમાં તે તેના દાવા પાછળનું વિજ્ઞાન પણ સમજાવે છે. વીડિયોમાં કહેવામાં આવી રહ્યું છે કે, 'શિયાળામાં તમારું શરીર સતત પોતાને ગરમ રાખવાનો પ્રયાસ કરે છે. આ ઉપરાંત, સ્નાન કરવાથી શરીરમાંથી કુદરતી તેલ પણ નીકળી જાય છે, જેનાથી શુષ્કતા અને બળતરા પણ થાય છે. ડો. રેબેકા પિન્ટો અંતમાં કહેતા જોવા મળે છે કે હવે જો તારી માતા તને નહાવાનું કહે તો તેને આ રીલ બતાવો.

View this post on Instagram

A post shared by Dr. Rebecca Pinto (@dr.rebeccapinto)

લોકોએ ટિપ્પણી વિભાગમાં પ્રશ્નો પૂછ્યા?

જે લોકો નહાતા નથી તેમને કદાચ આ વિડિયો એટલો ગમ્યો છે કે તેને ઈન્સ્ટાગ્રામ પર 6.6 મિલિયનથી વધુ વ્યૂઝ મળ્યા છે. જો કે, એવું નથી કે માત્ર ઠંડીમાં સ્નાન કરવાની આળશ આવતી હોય તેવા લોકો જ આ વીડિયો જોઈ રહ્યા છે, પરંતુ કોમેન્ટ સેક્શનથી સ્પષ્ટ થાય છે કે આ બાબતે અન્ય લોકોના અભિપ્રાય પણ છે. આવા પાયાવિહોણા વીડિયો શેર કરવા પર ઘણા લોકોએ નારાજગી પણ વ્યક્ત કરી છે. આ વીડિયો પર એક યુઝરે લખ્યું, 'આ ખૂબ જ મૂંઝવણભર્યો છે. આયુષ્યમાં 34% વધારો કરવાના તેમના દાવાને સમર્થન આપતા કોઈ નક્કર પુરાવા નથી. હકીકતમાં, ચામડીના રોગોને કારણે સ્નાન ન કરવાથી તમારું આયુષ્ય ઘટી શકે છે.

નિષ્ણાતોના મતે સ્નાનનો સંબંધ સ્વચ્છતા સાથે છે અને તેને અવગણી શકાય નહીં. એક અહેવાલમાં ડો.બાલકૃષ્ણ જી. કે., હેડ અને સિનિયર કન્સલ્ટન્ટ, ગ્લિનાગેલ્સ BGS હોસ્પિટલ, બેંગલુરુ, કહે છે, “બાથ છોડવાથી આયુષ્ય 34 ટકા વધી શકે છે તેવો દાવો અતિશયોક્તિપૂર્ણ છે અને તેનો કોઈ મજબૂત વૈજ્ઞાનિક આધાર નથી. જો કે, વધુ પડતું નહાવાથી ત્વચાના માઇક્રોબાયોમ અને કુદરતી સંરક્ષણને નુકસાન થાય છે, પરંતુ સંપૂર્ણપણે સ્નાન ન કરવાથી સ્વચ્છતા સમસ્યાઓ અને ચેપ થઈ શકે છે.

નોંધઃ અહીં આપવામાં આવેલી માહિતી સામાન્ય જાણકારી અને મેળવેલી માહિતી પર આધારિત છે, તેની સત્યતાને લઇને અમે કોઇ પુષ્ટી કરતા નથી.. સ્વાસ્થ્ય સાથે જોડાયેલી કોઇપણ બાબત માટે આપ જે તે ક્ષેત્રના નિષ્ણાંત તબીબનો સંપર્ક કરો

આ પણ વાંચોઃ તમે નથી ખાતા ને નકલી પનીર, બજારમાં 81 ટકા નમૂના ફેલ, બે મિનિટમાં આ રીતે કરો અસલીની ઓળખ

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ