ઘણા લોકોને કાર અને બસમાં મુસાફરી કરતી વખતે ઉલ્ટી, ચક્કર જેવી સમસ્યાઓ આવે છે
કારમાં બેસતાની સાથે જ થાય છે મોશન સિકનેસ?
આ ટિપ્સથી નહીં બગડે મુસાફરીની મજા
ચક્કર અને ઉલ્ટી જેવી સમસ્યાઓ માટેના સરળ ઉપાય
ફરવું કોને ન ગમે? પરંતુ જ્યારે મુસાફરી વખતે ગાડી કે બસના કારણે ઉલ્ટી અને ચક્કર જેવી સમસ્યાઓ થાય છે તો ફરવાની બધી મજા બગડી જાય છે. આવી મુશ્કેલીઓ આવવાના કારણે ઘણી વખત મુસાફરીનો અનુભવ પણ કડવો રહે છે. તમારી આવી સમસ્યાઓને દુર કરવા માટે આજે અમે તમને અમુક ટીપ્સ આપવા જઈ રહ્યા છીએ. જેને અપનાવીને તમે પોતાની સફરને યાદગાર બનાવી શકો છો.
મોઢામાં મુકી રાખો લવિંગ
મુસાફરી વખતે ઉલ્ટી-ચક્કર જેવી મુશ્કેલીઓ માટે મોઢામાં લવિંગ મુકી રાખવું. જો તમે આખી મુસાફરીના સમયમાં લવિંગ મોઢામાં રાખી ન શકો તો લવિંગનો પાવડર બનાવી લો અને તેને પોતાની સાથે રાખો. જ્યારે તમને ઉલ્ટી જેવું લાગે તરત તેનું સેવન કરી લો.
લીંબૂ-મીઠુ કરશે મદદ
સફર વખતે ઉલ્ટી-ચક્કર જેવી મુશ્કેલીઓ થવા પર તમે લીંબુને પાણીમાં નાખીને તેનું સેવન કરી શકો છો. મુસાફરી પર ગયા પહેલા પોતાની સાથે લીંબૂ અને પાણી અવસ્ય રાખો.
ખાટા ફળો અને જ્યુસ
મુસાફરી કરતી વખતે પોતાની સાથે ખાટા ફળોનો જ્યુસ જરૂર રાખો. જ્યારે પણ તમેન ઉલ્ટી-ચક્કર આવે તેનું સેવન કરો તેનાથી તમેન ખૂબ જ આરામ રહેશે.
આદુથી મળશે રાહત
મુસાફરી કરતી વખતે આદુની છાલ કાઠીને તેના કટકા કરી પોતાની સાથે રાખો. ઉલ્ટી કે ચક્કરની સમસ્યા લાગે ત્યારે તેને મોઢામાં રાખીને ચુસો. તેનાથી આરામ રહેશે.