ચેતજો / પૈસા તકલીફ હોય તો પણ આ રીતે ન ચૂકવતા ઘરનું ભાડું, થશે ખૂબ જ હેરાનગતિ

• હાલ દેશમાં લોકડાઉનને કારણે કામ-ધંધા ઠપ છે
• ત્યારે લોકો પાસે જીવન જરૂરી કામ માટે પણ પૈસા નથી
• એવામાં લોકો ક્રેડિટ કાર્ડનો સહારો લઈ રહ્યાં છે

હાલમાં જ  housing.comએ પે રેન્ટ નામનું એક પ્લેટફોર્મ લોન્ચ કર્યું છે. જે ભાડુઆતને ક્રેડિટ કાર્ડ દ્વારા ભાડુ ચૂકવવાનો વિકલ્પ આપે છે. આમાં ભાડાની રકમ સીધી મકાન માલિકના અકાઉન્ટમાં જમા થઈ જાય છે. આ જ રીતે એક અન્ય ક્રેડિટ કાર્ડ પેમેન્ટ એપ CRED પર નવા ફીચર આપવામાં આવ્યા છે. CRED રેન્ટપે પર તમે ક્રેડિટ કાર્ડ દ્વારા ભાડુ ચૂકવી શકો છો. આ સિવાય NoBroker.in અને  RentPay જેવા અન્ય પોર્ટલ પણ આવી સુવિધાઓ આપી રહ્યાં છે. 

આ પોર્ટલ પર કોઈ રજિસ્ટ્રેશન ફી ચૂકવવી પડતી નથી. પરંતુ જ્યારે તમે આ પોર્ટલના ક્રેડિટ કાર્ડનો ઉપયોગ કરો છો તમારે એક્સ્ટ્રા પૈસા ચૂકવવા પડે છે. આમાં રજિસ્ટર કરતી વખતે તમારે મકાન માલિકનો બેંક અકાઉન્ટ, પાન નંબર વગેરે માહિતી આપવી પડે છે. આ સિવાય ભાડાની રકમ 50000થી વધુ હોવા પર તમારે રેન્ટ એગ્રીમેન્ટ પણ સબ્મિટ કરાવવું પડે છે. NoBroker.in 20000 રૂપિયા ભાડુ ચૂકવવા માટે 400 રૂપિયા એક્સ્ટ્રા લેવાની સાથે 78 રૂપિયા જીએસટી લે છે. આ વેબસાઈટ્સ પર ઓટો પેની સુવિધા નથી મળતી. આમાં તમારે દર મહિને ટ્રાન્ઝેક્શન કરવું પડે છે. 

આર્થિક તંગી વધી શકે છે

આ પોર્ટલ પર ક્રેડિટ કાર્ડથી ચૂકવણી કરવા પર હવે રિવોર્ડ પોઈન્ટ પણ મળે છે. અહીં ક્રેડિટ કાર્ડ દ્વારા ભાડું ભર્યા બાદ તમને રજિસ્ટર્ડ મેલ આઈડી પણ રેન્ટની રિસીપ્ટ પણ મળી જાય છે. જે ટેક્સ બેનિફિટ ક્લેમમાં પણ કામ આવી શકે છે. નાણાકીય વર્ષના અંતમાં તમને રેન્ટ રિસીપ્ટ માટે લેન્ડ લોર્ડ પાસે જવાની જરૂર નથી, પરંતુ કેટલીક વાતોનું ધ્યાન હમેશાં રાખજો. 

ક્રેડિટ રિફોર્મના ચીફ એન્ગેજમેન્ટ ઓફિસર અમન કપૂર કહે છે કે, ક્રેડિટ કાર્ડમાંથી લેવામાં આવેલી લોન ખૂબ મોંઘી પડે છે. જો કોઈ કારણોસર તમે ક્રેડિટ કાર્ડનું બિલ ચૂકવવામાં અસમર્થ છો, તો તમારે બાકી બેલેન્સ પર 3-4-% વ્યાજ ચૂકવવું પડશે, જે વાર્ષિક ધોરણે 36-48% સુધી જાય છે. જો ક્રેડિટ કાર્ડ બિલની લઘુત્તમ રકમ ભરવામાં ન આવે તો, 1000 રૂપિયા લેટ પેમેન્ટ ફી અલગથી ચૂકવવી પડે છે, આ ચાર્જ દરેક બેંકનું અલગ-અલગ હોય છે. આ સિવાય, ક્રેડિટ કાર્ડનું બિલ ન ચૂકવવા પર ક્રેડિટ સ્કોર પણ ખરાબ થાય છે. 

જેથી ક્યારેય વિચાર્યા વિના ક્રેડિટ કાર્ડનો ઉપયોગ કરવો નહીં.  તેનાથી આર્થિક સંકટ વધી શકે છે. ક્રેડિટ કાર્ડથી ભાડું ચૂકવવાની સ્થિતિમાં, તમે વધુમાં વધુ 45 દિવસ મેળવી શકો છો. જો તમે પૈસાની તંગીમાંથી પસાર થઈ રહ્યા છો, તો તમારા મકાનમાલિકને મળો અને તેમને તમારી પરિસ્થિતિ વિશે કહો અને ભાડું ચૂકવવા માટે તેમને 2-3 મહિનાનો સમય આપવા માટે કહો. જો આ શક્ય ન હોય તો, તમારા કોઈપણ રોકાણોને રિડિમ કરો અથવા ઘર, પરિવાર અથવા કોઈ સબંધી પાસેથી ઉધાર લઈને ભાડુ ચૂકવો.