ગરમીમાં પરસેવો થવો એક સામાન્ય વાત છે. પરંતુ કેટલાક લોકો પરસેવો થયા બાદ તેની કાળજી રાખતા નથી. જેના કારણે રોગો થવાની શક્યતા પણ રહે છે. ત્યારે આ પરસેવાથી દુર્ગંધથી બચવા તમારે શું કરવું જોઇએ એ અમે તમને જણાવી રહ્યા છીએ.
ગરમીમાં પરસેવો થવો એ સામાન્ય વાત છે. પણ ઘણા લોકોને હદથી વધારે પરસેવો થાય છે. જો પરસેવાને સાફ કરવામાં ના આવે અને શરીર પર જ રહે છે તો તેનાથી દુર્ગંધ આવે જ છે, સાથે જ કીટાણુઓને જન્મ પણ આપે છે. આવી સ્થિતિથી માં તમે શું કરી શકો છો આજે અમે તમને જણાવીએ.
આ સિઝનમાં સિથેન્ટીક કપડાં નહીં પણ સૂતરના કપડા પહેરવા જોઇએ. શરીરને ચોંટે નહીં એવા કપડાં તમારે પહેરવા જોઇએ. કારણ કે ફીટ કપડામાં વધારે પરસેવો થાય છે અને એમાથી હવા પસાર થઇ નશકતી હોવાથી એમાં દુર્ગંધ આવે છે.
જો તમારા પગના તળિયામાં વધારે પરસેવો થાય છે, તો ટબમાં પાણી ભરો અને તેમાં બે ચમચી ફટકડી પાઉડર નાખી દો. હવે આ ટબમાં બે થી પાંચ મિનિટ તમારા પગને ડુબાડી રાખો.
શરીરના જે ભાગથી તમને વધારે દુર્ગંધ આવવાની સમસ્યા હોય, ત્યારે ઘરથી બહાર નિકળતા પહેલા થોડા મિનિટ તે જગ્યા પર બરફ લગાવીને રાખવો. તેનાથી વધારે પરસેવો નહી આવશે.
જે કપડા તમે આખો દિવસ પહેરીને બહાર ગયા છો તે કપડા ધોયા પછી જ કબાટમાં મૂકવા.
તળેલા અને મસાલાયુક્ત વસ્તુઓ આ મૌસમમાં ખાવાથી બચવું.
વધારે સમય પહેરેલા અને વગર ધોયેલા કપડા અલમારીમાં રાખવાથી તેમાં દુર્ગંધ પેદા કરતા બેક્ટેરિયા સક્રિય થઈ જાય છે અને આ દુર્ગંધ બીજા સાફ કપડામાં પણ પહોંચી જાય છે.
નહાવા માટે લીમડા કે એન્ટી બેક્ટીરિયલ સાબુનો ઉપયોગ કરવો.
શરીરની સાફ-સફાઈનું ખાસ ધ્યાન રાખવું, જરૂર પડે તો દિવસમાં બે વાર ન્હાઇ લો.