કામની ખબર / આધાર કાર્ડની ફોટોકોપી શેર કરવાની ચેતવણી સરકારે પાછી ખેંચી, કહ્યું- વિવેકબુદ્ધિથી આધારનો ઉપયોગ કરો 

• આધાર કાર્ડની ફોટોકોપી શેર કરવાની ચેતવણી સરકારે પાછી ખેંચી
• કહ્યું વિવેકબુદ્ધિથી આધાર કાર્ડનો ઉપયોગ કરો
• સરકારે જ્યાં ત્યાં આધાર કાર્ડ શેર ન કરવાની આપી હતી ચેતવણી

કોઈ પણ સંસ્થા સાથે આધારની ફોટોકોપી (નકલ) શેર ન કરવાની આધાર ઓથોરિટીની ચેતવણી બાદ સરકાર હરકતમાં આવી હતી અને તેણે તાત્કાલિક એક ખુલાસો જારી કરીને કહ્યું છે કે આધાર કાર્ડ સંપૂર્ણરીતે સુરક્ષિત છે અને લોકોએ તેનો વિવેકબુદ્ધિથી ઉપયોગ કરવો જોઈએ. 

આઈટી મંત્રાલયે એડવાઈઝરી પાછી ખેંચી 
ઈલેક્ટ્રોનિક્સ એન્ડ ઈન્ફોર્મેશન ટેક્નોલોજી મંત્રાલયે એક નિવેદનમાં જણાવ્યું છે કે યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI)ની લેટેસ્ટ એડવાઈઝરી તાત્કાલિક અસરથી પાછી ખેંચી લેવામાં આવે છે. સરકારે આ નિર્ણય તેની ગેરસમજ થવાની સંભાવનાને ધ્યાનમાં રાખીને લીધો છે. UIDAIએ આધાર નંબર શેર કરવાની સામાન્ય પ્રક્રિયાઓ પર સલાહ આપવા માટે આ પ્રેસ રિલીઝ જાહેર કરી હતી. આ એક સામાન્ય પ્રવૃત્તિ છે.

આધાર કાર્ડ સંપૂર્ણ રીતે સુરક્ષિત- સરકાર 
આ સાથે, સરકારે ફરીથી સામાન્ય લોકોને ખાતરી આપી હતી કે ઓળખની ઇકોસિસ્ટમ આધારથી સુરક્ષિત છે. તેમાં કાર્ડ હોલ્ડરની ઓળખ અને ગોપનીયતાને સુરક્ષિત રાખવા માટે પૂરતી સુરક્ષા સુવિધાઓ છે.

નિવેદન પાછુ ખેંચવા પાછળ ખોટા અર્થની સંભાવના

હવે સરકાર દ્વારા એક નવી પ્રેસ રિલિઝ જારી કરવામાં આવી છે. નવી પ્રેસ રિલિઝમાં સરકારે નિવેદન પાછું ખેંચવા પાછળ ખોટા અર્થની સંભાવના જણાવી છે. તેમાં કહેવામાં આવ્યું કે પ્રેસ રિલિઝની ખોટી વ્યાખ્યાની સંભાવના જોતા તેને તત્કાળ અસરથી પરત ખેંચવામાં આવે છે. 

સરકારે લોકોને આધારની ફોટોકોપી શેર ન કરવાની આપી હતી ચેતવણી 

ઉલ્લેખનીય છે કે આધાર ઓથોરિટીએ લોકોને ચેતવણી આપતા એવું સૂચન કર્યું છે કે લોકોએ માસ્ક્ડ આધાર કાર્ડનો ઉપયોગ કરવો જોઈએ. માસ્ક આધાર કાર્ડમાં તમારા આધાર કાર્ડના ફક્ત છેલ્લા 4 આંકડા દેખાતા હોય છે જેને કારણે દુરપયોગ થવાની સંભાવના ખૂબ ઓછી થઈ જાય છે. ઓથોરિટીએ એવું પણ કહ્યું કે લોકો માસ્ક્ડ આધાર કાર્ડ  UIDAI's official website https://myaadhaar.uidai.gov.in. પરથી ડાઉનલોડ કરી શકે છે. 

જાહેર કમ્પ્યુટરનો ઉપયોગ કરવાનું ટાળવાની અપાઈ હતી સલાહ 

આધાર ઓથોરિટીએ એક નિવેદન બહાર પાડીને એવું જણાવ્યું કે ઈ આધાર ડાઉનલોડ કરવા માટે ઈન્ટરનેટ કાફે કે કિઓસ્ક ખાતેના જાહેર કમ્પ્યુટરનો ઉપયોગ કરવાનું ટાળવું જોઈએ. ઓફલાઈન વેરિફિકેશન માટે તમે આધાર કે આધાર લેટર કે આધાર પીવીસી કાર્ડ પરના ક્યુઆર કોડને સ્કેમ કરી શકો છો.

UIDAIનું માન્ય લાયસન્સ ધરાવનાર સંગઠનોને જ આધારની કોપી આપવી જોઈએ

ઓથોરિટીએ એવું પણ કહ્યું કે ફક્ત UIDAI પાસેથી યુઝર લાઈસન્સ લેનાર સંગઠનો જ કોઈ વ્યક્તિની ઓળખ સ્થાપિત કરવા માટે આધાર કાર્ડનો ઉપયોગ કરી શકે છે. હોટલ અને ફિલ્મ હોલ્સ જેવી પ્રાઈવેટ સંસ્થાઓને આધાર કાર્ડની કોપી કલેક્ટ કરવાનો કોઈ અધિકાર નથી. આવું કરવું આધાર એક્ટ 2016 હેઠળ ગુનો છે. જો કોઈ પ્રાઈવેટ સંસ્થા આધાર કાર્ડ જોવાની માગ કરે અથવા તો આધાર કાર્ડની નકલ માગે તો લોકોએ જોવું જોઈએ કે તે સંસ્થા કે સંગઠન UIDAIનું લાયસન્સ ધરાવે છે કે નહીં. 

જાણો શું છે માસ્ક્ડ આધાર

સરકારનું કહેવુ છે કે નાગરિકોએ કોઈ પણ સંસ્થાને આધાર કાર્ડની ફોટોકૉપી ના આપવી જોઈએ. કારણકે તેનો ખોટો ઉપયોગ થઇ શકે છે. જેની જગ્યાએ તમે માસ્ક્ડ આધારનો ઉપયોગ કરી શકો છો. માસ્ક્ડ આધારમાં તમારી 12 ડિઝીટનો આખો આધાર નંબર દેખાતો નથી. પરંતુ તેમાં આધાર નંબરના માત્ર છેલ્લાં 4 નંબર દેખાય છે. જેને તમે ઑનલાઈન પણ પ્રાપ્ત કરી શકો છો. 

ખાનગી સંસ્થાઓ નહીં રાખી શકે તમારું આધાર

ઈલેક્ટ્રોનિક્સ અને માહિતી ટેકનોલોજી મંત્રાલયે તેની નોટીસમાં પણ સ્પષ્ટ કર્યુ છે કે ગેરકાયદેસર લાયસન્સ ધરાવતી ખાનગી સંસ્થાઓ તમારું આધાર કલેક્ટ કરી શકતી નથી અને પોતાની આજુબાજુ પણ રાખી શકતી નથી. જેમાં લાઈસન્સ વગરના હોટલ અને સિનેમા હૉલ સામેલ છે. માત્ર આવી ખાનગી સંસ્થાઓ જ તમારા આધાર કાર્ડની કૉપી મેળવી શકે છે, જેણે યુનિક આઈડેન્ટિફિકેશન ઓથોરિટી ઓફ ઈન્ડિયા તરફથી આધાર માટે યુઝર લાઈસન્સ પ્રાપ્ત કર્યુ છે.