હાઈ કોલેસ્ટ્રોલના કારણે હૃદય સહિત શરીરના ઘણા મહત્વપૂર્ણ અંગોને નુકસાન થઈ શકે છે. હાઈ કોલેસ્ટ્રોલ ધરાવતા દર્દીઓને હંમેશા દવાઓ લેવાની અને બેસિક લાઈફમાં ફેરફારો કરવાની સલાહ આપવામાં આવે છે.
હાઈ કોલેસ્ટ્રોલના કારણે થઈ શકે છે ઘણી મુશ્કેલીઓ
બેસિક લાઈફમાં ફેરફાર કરવું ખૂબ જ જરૂરી
આ એક ફ્રૂટના સેવનથી દૂર થશે મુશ્કેલીઓ
કોલેસ્ટ્રોલ વ્યક્તિના લોહીમાં જોવા મળે છે. જ્યારે તેનું સ્તર વધે છે. ત્યારે હૃદય સહિત શરીરના ઘણા મહત્વપૂર્ણ અંગોને નુકસાન થઈ શકે છે. હાઈ કોલેસ્ટ્રોલથી હાર્ટ એટેક, હાર્ટ બ્લોકેજ, સ્ટ્રોક વગેરેથઈ શકે છે.
આ સ્થિતિને રોકવા માટે દર્દીઓને હંમેશા દવાઓ અને જીવનશૈલીમાં ફેરફાર કરવાની સલાહ આપવામાં આવે છે. કોલેસ્ટ્રોલના સ્તરને નિયંત્રિત કરવા માટે આપણે આપણા આહારમાં ઘણા પ્રકારના ફળોનો સમાવેશ કરી શકીએ છીએ. આમાંથી એક એવોકાડો છે.
બ્લડ પ્રેશર ઘટાડવામાં પણ કરે છે મદદ
આ લીલા રંગનું ફળ બ્લડ પ્રેશર ઘટાડવામાં ઘણી મદદ કરે છે. એવોકાડો વિટામિન K, C, B5, B6, E અને મોનોસેચ્યુરેટેડ ફેટ જેવા એન્ટીઑકિસડન્ટોના સ્ત્રોતથી સમૃદ્ધ છે. આ તમામ એન્ટીઑકિસડન્ટો હૃદયને સ્વસ્થ રાખવામાં મદદ કરે છે. જેનાથી સ્ટ્રોકનું જોખમ ઓછું થાય છે. આ સિવાય એવોકાડો કોલેસ્ટ્રોલ લેવલ તેમજ બ્લડ ટ્રાઈગ્લિસરાઈડ્સને નિયંત્રિત કરવામાં પણ મદદ કરી શકે છે.
ઉર્જાનો સારો સ્ત્રોત
એવોકાડોમાં ખાંડ પણ ઓછી હોય છે અને તે ઊર્જાનો સારો સ્ત્રોત છે. એવોકાડોમાં કેલ્શિયમ, આયર્ન, મેગ્નેશિયમ, પોટેશિયમ, કોપર, મેંગેનીઝ, ફોસ્ફરસ અને ઝિંક હોય છે. એવોકાડો સામાન્ય રીતે કાચુ જ ખાવામાં આવે છે. આ ઉપરાંત તેનો ઉપયોગ મીઠાઈ અને સલાડમાં પણ થાય છે.
આ ફ્રૂટ પણ ઘટાડે છે કોલેસ્ટ્રોલ
એવોકાડો સિવાય તમે તમારી ડાટેયમાં સફરજન, ખાટા ફળો (લીંબુ, નારંગી, માલ્ટા અને દ્રાક્ષ), પપૈયા અને ટામેટાંનો સમાવેશ કરી શકો છો. સફરજનમાં પેક્ટીન ફાઇબર અને અન્ય કેટલાક જરૂરી એન્ટીઑકિસડન્ટ પોલિફેનોલ્સ હોય છે. જે કોલેસ્ટ્રોલના સ્તરને નિયંત્રિત કરે છે. પપૈયામાં ભરપૂર માત્રામાં ફાઈબર હોય છે. જે બ્લડ પ્રેશરને નિયંત્રિત કરવામાં અને બેડ કોલેસ્ટ્રોલના સ્તરને નિયંત્રિત કરવામાં મદદ કરે છે.