દીલ્હી કેપિટલ્સના ફાસ્ટ બોલર અવેશ ખાનને BCCI દ્વારા નેટ બોલર તરીકે ભારતની ટી 20 વર્લ્ડ કપની ટીમમાં સામેલ થવા માટે આઈપીએલ બાદ યુએઈમાં જ રહેવા માટે જણાવવામાં આવ્યું છે.
રવિવારથી ભારત અને યુએઇમાં રમાનાર ટ્વેન્ટી ટ્વેન્ટી વર્લ્ડ કપ શરૂ થવા જઈ રહ્યો છે.
દીલ્હી કેપિટલ્સના ફાસ્ટ બોલર અવેશ ખાનને BCCI દ્વારા નેટ બોલર તરીકે ભારતની ટી 20 વર્લ્ડ કપની ટીમમાં સામેલ થવા માટે આઈપીએલ બાદ યુએઈમાં જ રહેવા માટે જણાવવામાં આવ્યું છે.
રવિવારથી શરૂ થાય છે વર્લ્ડ કપ
કાશ્મીરી બોલર ઉમરાન મલિક પછી 24 વર્ષીય આવેશ બીજો ફાસ્ટ બોલર છે, જેને ટીમમાં સામેલ થવા માટે કહેવામાં આવ્યું છે અને જો બીસીસીઆઈના સૂત્રોનું માનીએ તો, આ ફાસ્ટ બોલર સ્ટેન્ડબાય યાદીમાં સ્થાન મેળવી શકે છે. વર્લ્ડ કપ રવિવારથી શરૂ થાય છે.
અપગ્રેડ પણ કરી શકાય
ભારત 24 ઓક્ટોબરે પાકિસ્તાન સામે પોતાની મેચ રમાવાનું છે. પસંદગી સમિતિના નજીકના બીસીસીઆઈના સૂત્રએ મંગળવારે જણાવ્યું હતું કે, રાષ્ટ્રીય પસંદગીકારોએ અવેશને પણ સામેલ કરવાનો નિર્ણય કર્યો છે. હાલમાં તે નેટ બોલર જ રહેશે પરંતુ જો ટીમ મેનેજમેન્ટને લાગે તો તેને અપગ્રેડ કરી શકાય છે.
અવેશ એકસપ્રેસ ઝડપે બોલિંગ કરે છે અને આઈપીએલનાં એડિશનમાં તેણે કેપિટલ્સ માટે 23 વિકેટ લીધી છે, જેના કારણએ કહી શકાય કે ડીસી હજી પણ ગેમમાં છે. તે વિકેટ લેનારાઓની યાદીમાં બીજા સ્થાને છે અને હર્ષલ પટેલ 32 વિકેટ્સ સાથે સૌથી આગળ છે. સૂત્રએ જણાવ્યું હતું કે, "અવેશ 142 થી 145 કિમીની સરેરાશ ઝડપે બોલિંગ કરે છે, બાઉન્સ મેળવે છે અને કેટલાક સમયથી સપોર્ટ સ્ટાફના રડાર પર જ છે."
વેંકટેશ પણ મેળવી શકે છે સ્થાન
ઓલરાઉન્ડર હાર્દિક પંડ્યા ભારતીય ટીમ સાથે રહેશે પરંતુ તેને ટી 20 વર્લ્ડ કપમાં એક બેટર તરીકે રમવાની જ આશા છે કારણ કે તેની પીઠ હજુ પણ ઝડપી બોલિંગનો સ્ટ્રેસ લેવાની સ્થિતિમાં નથી. જાણવા મળ્યું છે કે કેકેઆરના ઉભરતા ઓપનર-કમ-સીમ બોલર વેંકટેશ અય્યરને કવર તરીકે બબલમાં રહેવાનું કહેવામાં આવશે. પણ આખરે ટીમ ઈન્ડિયા માટે કોણ રમે છે તે તો સમય જ જણાવશે.