ક્રિકેટ / રવિન્દ્ર જાડેજા બાદ બીજા ભારતીય ખેલાડીને એશિયા કપમાંથી પડતો મૂકાયો, ટીમમાં મોટો ફેરફાર

• એશિયા કપમાં ભારતની ટીમમાં મોટો ફેરફાર
• ઈજાને કારણે ફાસ્ટ બોલર આવેશ ખાનને પડતો મૂકાયો
• તેને બદલે દીપક ચાહરને લેવાયો 

રવિવારે પાકિસ્તાન સામેની મેચમાં તાવમાં સપડાયેલા ફાસ્ટ બોલર આવેશ ખાન બીમારીને કારણે હાલમાં ચાલી રહેલા એશિયા કપમાંથી બહાર થઈ ગયો છે. આવેશ ખાનને  સુપર-4 રાઉન્ડમાં પાકિસ્તાન અને શ્રીલંકા સામેની પ્લેઈંગ-11માં સામેલ કરવામાં આવ્યો નથી. 

Avesh Khan ruled out of Asia Cup due to illness. Deepak Chahar replaces him: Sources

— ANI (@ANI) September 6, 2022

આવેશખાન બીમાર 
બીસીસીઆઈના એક વરિષ્ઠ સૂત્રે જણાવ્યું કે આવેશ ખાનને તાવ છે અને તેને સાઇનસને લગતી સમસ્યાઓ પણ થઈ છે જે માંદગી પછી વધી ગઈ છે. તેના માટે ટૂર્નામેન્ટમાં આગળ ભાગ લેવો શક્ય નહીં બને. દીપક ચહર પહેલેથી જ ત્યાં છે અને તેને મુખ્ય ટીમમાં તૈયાર કરવામાં આવશે. આવેશ પાકિસ્તાન સામે બે ઓવરમાં 19 રન આપીને માત્ર એક જ વિકેટ ઝડપી શક્યો હતો. આ સાથે જ હોંગકોંગ સામે તેણે ચાર ઓવરમાં 53 રન આપ્યા હતા.

એશિયા કપમાંથી બીજો ખેલાડી આઉટ 
એશિયા કપ દરમિયાન પડતો મૂકવામાં આવેલો તે બીજો ભારતીય ખેલાડી છે. તેના પહેલા રવિન્દ્ર જાડેજા ઘૂંટણની ઇજાના કારણે બહાર થઇ ગયો હતો અને હવે આવેશ ખાનને બહાર કરવામાં આવ્યો છે. 

રવિન્દ્ર જાડેજાની ઘૂંટણની સફળ સર્જરી થઈ
ઘૂંટણની ઈજાને કારણે રવિન્દ્ર જાડેજાને પણ એશિયા કપમાંથી આરામ આપવામાં આવ્યો હતો. રવિન્દ્ર જાડેજાનું ઘૂંટણનું ઓપરેશન કરી દેવાયું છે અને તે ખૂબ સફળ રહ્યું છે, હવેથી તે ટોટલ આરામ કરશે. 

એશિયા કપમાં ભારત સુપર-4 મેચ રમી રહ્યું છે
ઉલ્લેખનીય છે કે ભારત હાલમાં એશિયા કપની સુપર-4 મેચમાં રમી રહ્યું છે.

India pacer Avesh Khan out of remainder of Asia Cup due to illness, Deepak Chahar drafted in

— Press Trust of India (@PTI_News) September 6, 2022

દીપક ચાહર પ્રેક્ટિસ કરતો જોવા મળ્યો હતો 
દીપક ચાહરની વાત કરીએ તો તે પાકિસ્તાન સામે સુપર-4 રાઉન્ડમાં મેચ પહેલા નેટ્સમાં પ્રેક્ટિસ કરતો જોવા મળ્યો હતો. તેણે એક વીડિયો શેર કર્યો છે. ચહરે આ વીડિયોની સાથે ફેમસ ફિલ્મ 3 ઈડિયટ્સના ડાયલોગ પણ પોસ્ટ કર્યા હતા. તેમણે લખ્યું, "સફળતા કે પીછે મત ભાગો, ઉત્કૃષ્ટતા કા પીછા કરો, સફળતા ઝક મારકે તુમ્હારે પીછે આયેગી."