ક્રિકેટ / T20 વર્લ્ડ કપ માટે રોહિત શર્માએ સુધારી આ ભૂલ, એશિયા કપનાં વિલનને ન મળ્યું ટીમમાં સ્થાન

• ભારતે ટી20 વર્લ્ડ કપ માટે ટીમમાં ખેલાડીઓનાં નામોની કરી દીધી છે ઘોષણા 
• આવેશ ખાન નથી ટીમનો ભાગ 
• જસપ્રીત બૂમરાહ અને હર્ષલ પટેલ બંને ફિટ 

ઓસ્ટ્રેલીયામાં થનાર ટી20 વર્લ્ડ કપ માટે સિલેક્ટર્સે અનુભવી અને યુવા પ્લેયર્સનું સિલેક્શન કરતાં 15 ધાકડ ખેલાડીઓનાં નામ અનાઉન્સ કર્યા છે.  જ્યારે રોહિત શર્માની કપ્તાનીમાં એશિયા કપનાં સૌથી મોટા વિલનને પસંદ કરવામાં આવ્યો નથી. 

આ ખેલાડીને કર્યો બહાર 
ટી20 વર્લ્ડ કપ માટે સિલેક્ટર્સે ચાર ફાસ્ટ બોલરને તક આપી છે, જેમાં આવેશ ખાનને પસંદ કરવામાં નથી આવ્યો. આવેશ ખાન ખરાબ ફોર્મથી ઝઝૂમી રહ્યા છે. એશિયા કપમાં તેઓ ટીમ ઈન્ડિયા માટે માથાનો દુખાવો બની ગયા હતા. તેમની સામે વિરોધી ટીમનાં બેટ્સમેનોએ ખૂબ જ રન બનાવ્યા અને તેઓ વિકેટ લેવામાં પણ નિષ્ફળ રહ્યા હતા. 

પાકિસ્તાન સામે રહ્યા હતા ફ્લોપ 
આવેશ ખાન ભારતની એશિયા કપમાં પહેલી મેચમાં પાકિસ્તાન સામે ફ્લોપ સાબિત થયા હતા. તેમણે પોતાની બે ઓવરમાં 19 રન આપ્યા અને માત્ર એક જ વિકેટ લીધી. હૉંગકૉંગ જેવી નબળી ટીમ સામે પણ તેઓ વિકેટ લેવામાં નિષ્ફળ રહ્યા. હૉંગકૉંગ સામે તેમણે પોતાની ચાર ઓવરના કોટામાં 53 રન લુટાવ્યા અને એક વિકેટ પણ લીધી. એટલા માટે જ હવે તેમને ટી20 વર્લ્ડ કપ માટે સિલેકટ કરવામાં આવ્યા નથી. 

ટી20 વર્લ્ડ કપ માટે ટીમ ઈન્ડિયા 

રોહિત શર્મા, કેએલ રાહુલ, વિરાટ કોહલી, સૂર્યકુમાર યાદવ, દિપક હુડ્ડા, દિનેશ કાર્તિક, રિષભ પંત, હાર્દિક પંડયા, આર અશ્વિન, યુઝવેન્દ્ર ચહલ, અક્ષર પટેલ, જસપ્રીત બૂમરાહ, ભુવનેશ્વર કુમાર, હર્ષલ પટેલ, અર્શદીપ સિંહ