ભારત અને દક્ષિણ આફ્રિકા વચ્ચેની પ્રથમ T20 મેચમાં આવેશ ખાનના યોર્કર બોલ પર રેસી વાન ડેર ડુસેનનું બેટ તૂટી ગયું હતું.
શોર્ટ મારવા જતા બેટના બે ટૂકડા થઈ ગયા
બોલરે એવો બોલ નાખ્યો કે બેટ જ તૂટી ગયું
સોશિયલ મીડિયામાં ફોટો વાયરલ
દિલ્હીના અરુણ જેટલી સ્ટેડિયમમાં રમાયેલી ભારત અને દક્ષિણ આફ્રિકા વચ્ચેની પ્રથમ T20 મેચમાં આવેશ ખાનના યોર્કર બોલ પર રેસી વાન ડેર ડુસેનનું બેટ તૂટી ગયું હતું. હકીકતમાં આફ્રિકન ઇનિંગની 14મી ઓવરના ત્રીજા બોલ પર આવેશ ખાને યોર્કર બોલ નાખ્યો. જે રેસી વેન ડેર ડુસેને કવર તરફ રમી. આ દરમિયાન અવેશના ઘાતક યોર્કરથી તેનું બેટ તૂટી ગયું હતું.
ડુસેને બનાવ્યા 75 રન
તે સમયે ડુસેન 22 રન પર રમી રહ્યો હતો. બાદમાં તેણે ટીમ માટે અણનમ 75 રન બનાવ્યા હતા. આવેશે આ ઓવરના પહેલા બે બોલમાં શાનદાર યોર્કર પણ ફેંક્યો હતો. આ ત્રણ બોલમાં કોઈ રન ન હતા બન્યા. જોકે આવેશે વાઈડ બોલથી ઓવરની શરૂઆત કરી હતી.
આવેશને ન મળી સફળતા
આ મેચમાં આવેશને એક પણ વિકેટ મળી ન હતી. તેણે 4 ઓવરમાં 35 રન આપ્યા હતા. આવેશ ઉપરાંત ભુવનેશ્વર કુમાર અને હર્ષલ પટેલે 4 ઓવરમાં 43 રન અને અક્ષર પટેલે 4 ઓવરમાં 40 રન આપ્યા હતા.
વેન ડેર ડુસેને 75 રન બનાવ્યા હતા
વેન ડેર ડુસેને અને ડેવિડ મિલરે મેચ પલટીને આફ્રીકાના પલડામાં કરી લીધી હતી. એક સમયે એવું લાગતું હતું કે ટીમ ઈન્ડિયા આ મેચ સરળતાથી જીતી જશે. પરંતુ વેન ડેર ડુસેને 46 બોલમાં અણનમ 75 રનની શાનદાર ઇનિંગ રમી હતી.
તેણે પોતાની ઇનિંગમાં 7 ફોર અને 5 સિક્સર ફટકારી હતી. ત્યાં જ ડેવિડ મિલરે IPL જેવું પોતાનું શાનદાર ફોર્મ જાળવી રાખતા 34 બોલમાં અણનમ 64 રનની ઇનિંગ રમી હતી. તેણે પોતાની ઇનિંગમાં 4 ફોર અને 5 સિક્સર ફટકારી હતી.