Good News / શું વાત છે! આ વર્ષે પગારમાં થઇ શકે છે નવ ટકા સુધીનો વધારો, જાણો કયા સેક્ટરના કર્મચારીઓને મળશે લાભ

• આ વર્ષે કર્મચારીઓના પગારમાં થશે સરેરાશ 9 ટકાનો વધારો
• Michael Page Salary રિપોર્ટ 2022 અનુસાર કોને મળશે આ લાભ?
• કોર્પોરેટ સેક્ટરમાં કામ કરનારા કર્મચારીઓને થઇ શકે છે ફાયદો

જો તમે નોકરી કરો છો અને પગાર વધારાની રાહ જોઈ રહ્યાં છો તો આ સમાચાર ખાસ તમારા કામના છે. કારણ કે આ અંગે એક રિપોર્ટ આવ્યો છે કે, જેનાં અનુસાર ભારતીય કંપનીઓનું રોકાણ પ્રત્યે વધુ સકારાત્મક વલણ જોવા મળી રહ્યું છે જેના કારણે આ વર્ષે પગારમાં સરેરાશ નવ ટકાનો વધારો થવાની શક્યતા છે. વધુમાં પગાર વધારાને લઈને આ રિપોર્ટમાં શું કહેવામાં આવ્યું છે તે વિગતે જોઇશું...

પગાર વધારો નવ ટકા થવાની શક્યતા

વાસ્તવમાં, માઈકલ પેજ પગારનો આ રિપોર્ટ છે કે જે વધારો લઈને આવ્યો છે. જો રિપોર્ટનું માનીએ તો 2022માં સામાન્ય વેતનમાં 9 ટકાનો વધારો થવાની સંભાવના છે. જો તમને યાદ હોય તો મહામારીનાં ગયા વર્ષે 2019 માં તે સાત ટકા હતો. જો આપણે રિપોર્ટ પર નજર કરીએ તો એવું કહેવામાં આવ્યું છે કે, સ્ટાર્ટઅપ અને નવા યુગની સંસ્થાઓ પગારવધારાની આગેવાની કરશે. તેના દ્વારા સરેરાશ 12% નો વધારો થાય તેવી અપેક્ષા સેવાઇ રહી છે.

બજારમાં આની માંગ યથાવત રહેશે

માઈકલ પેજ સેલરી અનુસાર, વૃદ્ધિ ધરાવતા ક્ષેત્રોની યાદીમાં બેન્કિંગ અને નાણાકીય સેવા, મિલકત અને બાંધકામની સાથે ઉત્પાદન ઉદ્યોગોનો પણ સમાવેશ થાય છે. ભારતમાં ઈ-કોમર્સ અને ડિજિટલ પરિવર્તનના સમયમાંથી પસાર થઈ રહેલા અન્ય ક્ષેત્રો વિશે વાત કરવામાં આવી છે. આ ક્ષેત્રોમાં વધારો આવવાના કારણે કોમ્પ્યુટર સાયન્સ બેકગ્રાઉન્ડ ધરાવતા વરિષ્ઠ સ્તરના પ્રોફેશનલ્સ ઉચ્ચ પગારવાળી નોકરીઓ તરફ આગળ વધી શકીએ. એટલું જ નહીં, ડેટા વૈજ્ઞાનિક (ખાસ કરીને જેઓ મશીન લર્નિંગથી પરિચિત છે), વેબ ડેવલપર્સ અને ક્લાઉડ આર્કિટેક્ટની પણ બજારમાં વધુ માંગ રહેશે.

જાણો કેવી રીતે તૈયાર થાય છે આ રિપોર્ટ?

માઈકલ પેજ સેલરી રિપોર્ટ 2022 ની વાત કરીએ તો, તે માલિકીના ડેટા અને નેટવર્કમાંથી મળતી જાણકારી તેમજ તથ્યો પર આધારિત હોય છે. આ રિપોર્ટમાં 2021 માં કરવામાં આવેલી નોકરીની જાહેરાતો અને પ્લેસમેન્ટને સ્થાન આપવામાં આવ્યું છે કે જે 2022 માટેના પગાર અંદાજ સામેલ છે. અહેવાલમાં વધુ જોતાં એમ કહેવામાં આવ્યું છે કે, કંપનીઓ હવે શોર્ટ-ક્વાર્ટર અથવા તો અર્ધ-વાર્ષિક-વેલ્યુએશન ચક્ર, પ્રમોશન, વેરિયેબલ ચુકવણી, સ્ટોક પ્રોત્સાહન, રીટેન્શન બોનસ અને મિડ-ટર્મ ઇન્ક્રીમેન્ટ સહિત વિવિધ પ્રસ્તાવો સાથે ટોચનું પ્રદર્શન કરતી કંપનીઓ તરફ ધ્યાન આપી રહી છે.

આ લોકોને વધશે પગાર

અહેવાલમાં એવું કહેવાયું છે કે, જે વ્યક્તિઓ સારી કામગીરી બજાવે છે અને ચોક્કસ કૌશલ્ય ધરાવે છે તેવાં કર્મચારીઓ સરેરાશ પગાર વધારો (20-25 ટકા કે તેથી વધુ) મળી શકે છે. આવું એટલા માટે છે કારણ કે મોટા ભાગની સંસ્થા તેની સારી પ્રતિભાને જાળવી રાખવા પર ભાર આપવાનું કામ કરી રહી છે.

આ ક્ષેત્રોમાં વધશે પગાર

આ વર્ષે જે ક્ષેત્રોમાં પગાર વધવાની શક્યતા છે જેમાં મુખ્યત્વે બેન્કિંગ, નાણાકીય સેવાઓ, રિયલ એસ્ટેટ, બાંધકામ અને ઉત્પાદનનો સમાવેશ થાય છે. રિપોર્ટમાં કહેવામાં આવ્યું છે કે ભારતમાં ડિજિટલ ટ્રાન્સફોર્મેશનમાંથી પસાર થઈ રહેલા ઈ-કોમર્સ અને અન્ય ક્ષેત્રોમાં પણ પગારમાં વધારો થશે. કોમ્પ્યુટર સાયન્સ બેકગ્રાઉન્ડ ધરાવતા કર્મચારીઓ પગાર વધારાને લઇને વધારે મોલભાવ કરવાની સ્થિતિમાં રહેશે.