2015ની તુલનામાં ગાંધીનગર મનપામાં આ વખતે મતદાનની સરેરાશ સારી રહી છે. 2015માં 51%ની આસપાસ મતદાન થયું હતું
ગાંધીનગર મનપાની ચૂંટણી માટે મતદાન પૂર્ણ
ગાંધીનગર મનપામાં સરેરાશ 55 ટકાથી વધુ મતદાન થાય હોવાના સંકેત
સવારે 7 વાગ્યાથી સાંજે 6 વાગ્યા સુધી મતદાન પ્રક્રિયા
ભાજપ, કોંગ્રેસ અને AAP સહિતના પક્ષો મેદાને
5 ઓક્ટોબરે મતગણતરી હાથ ધરાશે
ગ્રામ્ય વિસ્તારમાં સૌથી વધુ મતદાન નોંધાયું
વોર્ડ નં-7માં સૌથી વધુ મતદાન નોંધાયું
વોર્ડ નં-7માં 70 ટકા જેટલું સરેરાશ મતદાન
સૌથી ઓછું મતદાન વોર્ડ-નં 5માં થયું
વોર્ડ નં-5માં 40 ટકા જેટલું જ મતદાન
ગાંધીનગર મનપામાં 5 વાગ્યા સુધીમાં 51.30 ટકા મતદાન
વોર્ડ નં-7માં સૌથી વધુ 61.76 ટકા મતદાન
વોર્ડ નં-1માં 60.78 ટકા મતદાન તથા વોર્ડ નં-2માં 59.76 ટકા મતદાન
વોર્ડ નં- 4માં 56.44 ટકા મતદાન તથા વોર્ડ નં-11માં 56.20 ટકા મતદાન
વોર્ડ નં-8માં 49.74 ટકા મતદાન તથા વોર્ડ નં-3માં 48.42 ટકા મતદાન
વોર્ડ નં-9માં 47.40 ટકા મતદાન તથા વોર્ડ નં-10માં 47.10 ટકા મતદાન
વોર્ડ નં- 6માં 44.20 ટકા મતદાન
વોર્ડ નં-5માં સૌથી ઓછુ 35.40 ટકા મતદાન નોંધાયું
ગાંધીનગર મનપામાં 4 વાગ્યા સુધી સરેરાશ 45.15 ટકા મતદાન
ગાંધીનગર મનપા ચૂંટણીમાં 11 વૉર્ડની 44 બેઠકો પર મતદાનમાં જમાવટ રહી છે. મતદાનનો અંતિમ સમય આવતા ન્યૂ ગાંધીનગરના વિસ્તારોમાં અવિરત મતદાન થઈ રહ્યું છે તો સમય પહેલા મતદાનથી અળગા રહેલા મતદાતાઓનો બુથ સુધી લાવવા પ્રયાસ પ્રયાસ થઈ રહ્યા છે. તમામ પક્ષના કાર્યકરોએ મતદાતાઓને મતદાન મથક સુધી લાવવા મથી રહ્યા છે. ત્યારે ગાંધીનગર મનપામાં 4 વાગ્યા સુધી સરેરાશ 45.15 ટકા મતદાન નોંધાયું છે. છેલ્લી દોઢ કલાકમાં આકડો 55%થી વધુની આસપાસ પહોંચે તેવુ દેખાઈ રહ્યું છે.વોર્ડ નં-7માં સૌથી વધુ 57.25 ટકા મતદાન થયું છે જ્યારે વોર્ડ નં-5માં સૌથી ઓછુ 32.40 ટકા મતદાન થયું છે. 5 ઓક્ટોબરે આવશે ચૂંટણી પરિણામ સૌથી ઝડપી અને સૌથી સચોટ પરિણામ માટે જોતાં રહો વીટીવી ગુજરાતી.
વોર્ડ નં-1માં 52.78 ટકા મતદાન
વોર્ડ નં-2માં 53.56 ટકા મતદાન
વોર્ડ નં-3માં 41.42 ટકા મતદાન
વોર્ડ નં- 4માં 48.61 ટકા મતદાન
વોર્ડ નં-5માં સૌથી ઓછુ 32.40 ટકા મતદાન
વોર્ડ નં- 6માં 36.20 ટકા મતદાન
વોર્ડ નં-8માં 42.74 ટકા મતદાન
વોર્ડ નં-7માં સૌથી વધુ 57.25 ટકા મતદાન
વોર્ડ નં-9માં 43.40 ટકા મતદાન તથા
વોર્ડ નં-10માં 41.10 ટકા મતદાન
વોર્ડ નં-11માં 47.20 ટકા મતદાન
સેક્ટર 9માં ભાજપના કાર્યકરોએ તોડફોડ કરી હોવાના આપ પાર્ટીના આક્ષેપ
ગાંધીનગર મનપ માં મતદાન સમયે હોબાળો જોવા મળ્યો છે. પોદ્દાર ઇન્ટરનેશનલ સ્કૂલ સામે આમ આદમી પાર્ટીના ટેબલ પર મારામારી થઈ હોવાનું દેખાઈ આવે છે.મતદાન સમયે પોલીસની હાજરીમાં ખુરશીઓ તોડી પેપર સામગ્રી ફેંકી દેવાઈ હોવાનો આરોપ આમ આદમી પાર્ટી લગાવી રહી છે. AAP-ભાજપ સામ-સામે આવતા કાર્યકરો ઉગ્ર બન્યા હતા અને આપના કેન્દ્ર પર મારામારી થઈ હોવાના આરોપ લાગી રહ્યા છે. બંને પક્ષના કાર્યકર્તાઑએ પોલીસની હાજરીમાં મોટી બબાલ કરી હતી છતાંય પોલીસ મૂક પ્રેક્ષક બની તમાશો જોતી હતી.
તો વળી સેકટર-22માં ભાજપ કોંગ્રેસ આમને સામને
ગાંધીનગરના સેકટર-22ની સરકારી શાળામાં પણ હોબાળો જોવા મળ્યો છે. ચૂંટણી સમયે આચારસંહિતા લાગુ હોવા છતાં પણ ભાજપ અને કોંગ્રેસના કાર્યકરો પ્રચાર કરી રહયા છે. જે દરમિયાન ભાજપ-કોંગ્રેસના કાર્યકરો આમને-સામને આવી ગયા હતા. બંન્ને પક્ષના કાર્યકરોના એકબીજા સામે આક્ષેપ-પ્રતિઆક્ષેપ કરી રહ્યા છે. અને એકબીજા પર પ્રચાર કરતા હોવાનો દાવો કરી રહ્યા છે.
આ ઉપરાંત સેક્ટર 19માં પણ વિવાદ
ગાંધીનગર મહાનગરપાલિકાની ચૂંટણીનું મતદાન જોરશોરથી ચાલી રહ્યું છે.પણ સેક્ટર 19ના મતદાન મથકમાં AAPના કાર્યકર્તા બુથમાં ટોપી પહેરી બેસતા વિવાદ સર્જાયો છે. દરેક પાર્ટી પોતાનો બુથ કાર્યકર ચૂંટણીમાં કાઇ ગેરરીતિ ન થાય તે માટે દરેક મતદાન મથકમાં બેસાડતી હોય છે એ જ રીતે સેક્ટર 19ના મતદાન મથકમાં AAPના કાર્યકર્તા ટોપી પહેરીને બેઠા હતા એવો કોંગ્રેસના નેતા નિશીત વ્યાસે આરોપ લગાવ્યો છે. મહત્વનું છે કે ચૂંટણીના મતદાન સમયે આચાર સાહિતા લાગતી હોવાથી મતદાન મથકની 100 મીટરની આસપાસ કોઈ પણ રીતે પ્રચાર કરવો ગેરકાયદે ગણાય છે પણ અહી તો આપનો બુથ કાર્યકર સરેઆમ ચૂંટણી નિયમોનો ભંગ કરી રહ્યો હતો અંદર બેઠેલા અધિકારીઑ પણ આ બાબતને નોટિસ કરી શક્યા ન હતા. ત્યારે સવાલ કોંગ્રેસના નેતા નિશીત વ્યાસે ચૂંટણી અધિકારીને ફોન પર કરી ફરિયાદ કરતાં AAPના મહિલા કાર્યકર્તાએ ટોપી કાઢી નાખી હતી.કોંગ્રેસ નેતાએ AAP પાર્ટી પર મોટા આરોપ લગાવ્યા છે. અને મતદાન મથકમાં બેઠેલા અધિકારી પર પણ મોટા આરોપ કર્યા છે