'એવેન્જર્સ એન્ડગેમ' એ રિલીઝ થતાની સાથે જ કમાણીના નવા રેકોર્ડ્સ બનાવવાના શરૂ કરી દીધા છે. ફોર્બ્સના રિપોર્ટ અનુસાર, ફિલ્મે પહેલા દિવસે 21.66 કરોડ ડૉલર એટલે કે લગભગ 1403 કરોડ રૂપિયાનુ વર્લ્ડવાઇડ કલેક્શન કર્યુ છે. જેમાંથી 4.76 કરોડ ડૉલર ( 334 કરોડ રૂપિયા)નું કલેક્શન માત્ર ચીનમાંથી થયુ છે.
તો બીજી તરફ ભારતમાં આ ફિલ્મે 40-45 કરોડ રૂપિયાની કમાણી કરી શકે છે, જેમાં 26 એપ્રિલમાં ઇન્ડિયામાં ચાર ભાષામાં હિંદી, તમિલ, તેલુગુ અને અંગ્રેજીમાં રિલીઝ કરવામાં આવી છે.
થિયેટર્સમાં પહોંચી 2400 રૂપિયા સુધીની ટિકિટ:
'એવેન્જર્સ એન્ડગેમ'નો ઇન્ડિયામાં જબરદસ્ત ટ્રેન્ડ છે. ઑનલાઇટ ટિકિટ પ્લેટફોર્મ (બુક માય શો)થી તેના 25 લાખ એન્ડવાન્સ ટિકિટ બુક થઇ છે. ટિકિટોની કિંમતમાં 60-220% સુધી વધારો થયો છે. ગુરુગ્રામમાં એક થિયેટર્સમાં તેની કિંમત 2400 રૂપિયા સુધી પહોંચી છે, જ્યાં સામાન્ય દિવસોમાં ટિકિટોની કિંમત 600-800ની વચ્ચે હોય છે.
આ પ્રકારની કિંમત અમિતાભ-આમિરની ફિલ્મ 'ઠગ્સ ઑફ હિંદુસ્તાન'ના રિલીઝના પહેલા દિવસે હતી. 'એવેન્જર્સ એન્ડગેમ'ને 2500 સ્ક્રીન્સમાં રિલીઝ કરવામાં આવી છે, હજુ 400 સ્ક્રીન્સનો વધારો થાય તેવુ લાગી રહ્યુ છે. ફિલ્મના ક્રેઝને ધ્યાનમાં લઈને ભારતમાં 24*7 થિયેટરમાં ફિલ્મ બતાવવામાં આવશે. અમદાવાદમાં રાતના 1.45 વાગે તથા 3.10ના શો છે.મુંબઈમાં પણ રાતના 2.30 તથા 3 વાગ્યાના શો છે. આટલું જ નહીં ભારતના અન્ય શહેરો જેમ કે કોલકતા, દિલ્હીમાં પણ આ જ રીતે રાતના શો ખાસ 'એવેન્જર્સ..' માટે ચાલુ કરવામા આવ્યા છે.
ટ્રેડ એક્સપર્ટ્સ અનુસાર, ફિલ્મ વિકેન્ડમાં માત્ર નોર્થ અમેરિકામાં જ 1823 કરોડ રૂપિયાનો બિઝનેસ કરી શકે છે, ત્યારે વર્લ્ડવાઇડ તેનું વિકેન્ડ કલેક્શન 2104 કરોડ સુધી પહોંચી શકે છે.અમેરિકાની જાણીતી ફિલ્મ રિવ્યૂ વેબસાઈટ 'રોટેન ટોમેટોઝ' પર 'એવેન્જર્સ એન્ડગેમ'ને 96 % સ્કોર મળ્યો છે. ક્રિટિક્સે આ ફિલ્મને રોમાંચક, મનોરંજક તથા ભાવનાત્મક રીતે પ્રભાવશાળી ગણાવી છે.