હોલીવુડની સુપરહીટ ફિલ્મ અવતારની સિકવલ અવતાર 2નું હવે ટ્રેલર રિલીઝ થઇ ચુક્યું છે. જુઓ આ ટ્રેલર
અવતાર 2નું ટ્રેલર રિલીઝ
પેન્ડોરા ગ્રહનાં સુંદર દ્રશ્યો જોવા મળશે
2022નાં અંતમાં રિલીઝ થશે આ ફિલ્મ
અવતાર 2નું ટ્રેલર રિલીઝ
ગયા 10 વર્ષોથી વધારે સમયથી હોલીવુડની સુપરહીટ ફિલ્મ અવતારની સિકવલની રાહ જોવામાં આવી રહી હતી. હવે આખરે આ ફિલ્મના સેકન્ડ પાર્ટ 'અવતાર: ધ વે ઓફ વોટર'નું ટ્રેલર રિલીઝ કરવામાં આવ્યું છે, જે આ વર્ષનાં અંતમાં રિલીઝ થશે. આની પહેલી ઝલક 27 એપ્રિલનાં રોજ લાસ વેગસનાં સિનેમાકોનમાં બતાવવામાં આવી હતી અને હે તેનું ટ્રેલર ઓનલાઈન રિલીઝ કરવામાં આવ્યું છે.
શું છે ખાસ?
આ વખતે પણ ફેન્સને પેન્ડોરા ગ્રહનાં સુંદર દ્રશ્યો જોવા મળશે, જેમ કે ગત ફિલ્મમાં બતાવવામાં આવ્યું હતું કે પેન્ડોરા અલ્ફા સેંચુરીનાં એક ગ્રહનો ચંદ્ર જેવો ઉપગ્રહ છે, જ્યાં ધરતીની જેમ જ જીવન શક્ય છે. એક વાર ફરી ફિલ્મમાં સેમ વર્દીગટન, નાવી જેક સુલી અને જોઈ સલ્ડાનાં, નેતિરીનાં પાત્રમાં જોવા મળશે. જોકે આ વખતે તેઓ એકલા નહીં હોય પણ તેમના બાળકો પણ જોવા મળશે. આખા ફિલ્મમાં પેન્ડોરાનું સુંદર વાદળી પાણી જોવા મળે છે અને આ ફિલ્મ એક પ્રકારે આ પરિવારની આસપાસ જ ફરતી જોવા મળે છે. ટ્રેલરમાં નાવીનો એક ડાયલોગ પણ છે, જેમાં તે બોલે છે, આપણે જ્યાં પણ જઈએ, આ પરિવાર જ આપણો કિલ્લો છે.
નવા કલાકારો સાથે ક્યારે થશે રિલીઝ?
ફિલ્મના ડાયરેક્ટર જેમ્સ કેમરન નું કહેવું છે કે આ વખતે ફિલ્મ જોવામાં વધારે મજેદાર હશે કેમકે આમાં 3ડીની સાથે હાઈ ફ્રેમ રેટ, શાનદાર રીઝોલ્યુશન અને વિઝ્યુઅલ ઈફેક્ટસનો ઉપયોગ કરવામાં આવ્યો છે. ફિલ્મમાં આ વખતે ગત ફિલ્મનાં કલાકારો સાથે કેટ વિન્સ્લેટ, મિશેલ યિહો, ડેવિડ થ્વેલીસ અને વિન ડીઝલ પણ જોવા મળશે. આ ફિલ્મ 16 ડિસેમ્બરનાં રોજ ઇંગ્લિશ ઉપરાંત હિન્દી, તમિલ, તેલુગૂ, કન્નડ અને મલયાલમમાં રિલીઝ થશે.