મનોરંજન / ‘Avatar 2’નું પ્રથમ વીકેન્ડમાં જ બોક્સ ઓફિસ પર ધમાકેદાર કલેક્શન, 3 દિવસમાં કમાઇ લીધા આટલાં કરોડ

• ભારતમાં અવતાર 2નો ચાલી રહ્યો છે ક્રેજ
• ફિલ્મનો ફર્સ્ટ વિકેન્ડ પણ સારો વીત્યો
• શનિવારે ફિલ્મે 45 કરોડ રૂપિયાથી વધુનુ કલેક્શન કર્યુ

'અવતાર 2' દર્શકોને ખૂબ પસંદ આવી

જેમ્સ કેમરનનુ શાનદાર સિનેમેટીક વર્લ્ડ પંડોરા થિયેટર્સમાં જનતાને ખૂબ પસંદ આવી રહ્યું છે. 13 વર્ષના લાંબા સમય બાદ શુક્રવારે ફાઈનલી અવતારની સિક્વલ અવતાર: ધ વે ઑફ વોટર થિયેટર્સમાં આવી ગઇ. પહેલી વખત 2009માં પંડોરાનો અદભૂત સંસાર જોનારી જનતા એક વખત ફરીથી આ ચમત્કારી દુનિયાની પૂરી મજા લઇ રહી છે. 

ફિલ્મને પહેલા દિવસે સારો પ્રતિસાદ મળ્યો

ડાયરેક્ટર જેમ્સ કેમરૂનની બનાવેલી અવતાર છેલ્લાં એક દાયકાથી પણ વધુ સમયથી દુનિયાની સૌથી કમાઉ ફિલ્મ છે. હવે લોકોને આશા છે કે અવતાર 2થી જેમ્સ પોતાનો રેકોર્ડ વધુ સારો કરવાના છે. ભારતમાં અવતાર એ પ્રારંભિક ફિલ્મોમાંથી હતી જેમાં જનતાએ પૂરી રીતે ગ્રાફિક્સથી તૈયાર થયેલો એક અનોખો સંસાર જોયો. અવતાર 2નો ક્રેઝ પણ દર્શકોમાં વધુ જોવા મળી રહ્યો છે. જેનો ફાયદો ફિલ્મને પહેલા દિવસથી જ મળ્યો અને શુક્રવારે ભારતમાં ફિલ્મનુ ઓપનિંગ કલેક્શન 41 કરોડ રૂપિયા રહ્યું. હવે અવતાર 2 પહેલા વીકેન્ડમાં કમાણીના આંકડા આવવા લાગ્યા છે અને તેમને શાનદારથી ઓછા આંકી શકાય નહીં.

રવિવારે અવતાર 2ની કમાણી 

બૉક્સ ઑફિસથી આવી રહેલા પ્રારંભિક આંકડા જણાવી રહ્યાં છે કે ત્રીજા દિવસે એટલેકે રવિવારે અવતાર: ધ વે ઑફ વોટરે 46 કરોડથી વધુ બૉક્સ ઓફિસ કલેક્શન કર્યુ છે. અનુમાન લગાવાઈ રહ્યું છે કે ફાઈનલ આંકડા આવે ત્યાં સુધી અવતાર 2ની કમાણી 47 થી 49 કરોડ રૂપિયાની વચ્ચે પહોંચી શકે છે. શનિવારે ફિલ્મે 45 કરોડ રૂપિયાથી વધુનુ કલેક્શન કર્યુ હતુ. રવિવારની કમાણી જોડ્યા બાદ અવતાર 2નુ પહેલા ત્રણ દિવસનુ કલેક્શન ઓછામાં ઓછુ 133 કરોડ રૂપિયાની પાર પહોંચી જશે.