અનેક કાર કંપનીઓ પોતાના ફેમસ મોડલ બંધ કરવા જઇ રહી છે. BS-5 ફરજિયાત થતા તેમજ સેફ્ટીના નિયમોમાં પણ મોટા ફેરફાર થતાં આ મોડેલને હવે ચાલુ રાખવાનું શક્ય નથી. આ મોડલ્સમાં 1984માં લોન્ચ થયેલી મારુતિની બેસ્ટ-સેલિંગ વાન ઓમ્ની તેમજ SUV જિપ્સીનો પણ સમાવેશ થાય છે.
આ ઉપરાંત એક સમયે દુનિયા સૌથી સસ્તી ગાડી તરીકે પ્રખ્યાત થયેલી ટાટા નેનોનું પ્રોડક્શન બંધ કરી દેવામાં આવશે. ફિયાટની પુન્ટો કાર પણ નવા નિયમોને કારણે આઉટ ઑફ પ્રોડક્શન થવાની છે. . હ્યુન્ડાઈની ઈયોન અને હોન્ડાની બ્રિઓ જેવી સ્મોલ કાર્સ પણ આ લિસ્ટમાં છે. કેટલીક ગાડીઓનું પ્રોડક્શન તો બંધ પણ થઇ ચૂક્યુ છે.
ટાટા નેનો અને મહિન્દ્રાની ઈલેક્ટ્રીક કાર E20ના પ્રોડક્શન પર એપ્રિલ 2019થી પૂર્ણવિરામ મૂકાઇ જવાની શક્યતા છે. નિસાનની ટેરાનો ફિયાટ લિનિયા ફોક્સવેગન એમિઓ જેવી ગાડીઓને જો નવા અવતાર રજૂ કરવામાં ન આવી તો તેનું પ્રોડક્શન પણ હોલ્ટ મૂકાય તેવી શક્યતા છે.
એપ્રિલ 2019થી કારમાં અમુક પ્રકારના સેફ્ટી ફીચર્સ ફરજિયાત થઈ રહ્યા છે. જેનો હેતુ અકસ્માતોમાં થતી જાનહાનિને ઘટાડવાનો છે. આ ફિચર્સ હાલમાં જે અમુક મોડલ્સની કાર છે તેમાં લાગુ કરવા ઘણા મુશ્કેલ અથવા તો અશક્ય છે. જેમાં એરબેગ તેમજ એન્ટિલોક બ્રેકિંગ સિસ્ટમનો પણ સમાવેશ થાય છે .
ભારતનો સમાવેશ દુનિયાના સૌથી પ્રદૂષિત દેશોમાં થાય છે આ ઉપરાંત 2017માં દેશમાં અકસ્માતોમાં 146000 લોકોના મોત થયા છે જે દુનિયાભરમાં સૌથી વધુ હતા. આ બંને કાબૂ મેળવવા માટે સરકાર દ્વારા ફેલાતા પ્રદુષણ અને અકસ્માતોમાં થતી જાનહાનિને કાબૂમાં લેવા માટે કડક નિયમ ઘડ્યા છે જેનો આવતા વર્ષથી અમલ થવા જઇ રહ્યો છે.